ދާންދޫ ދޯންޏެއް ކަނޑަށް ބިންދައިގެން ހިނގައްޖެ
ރޭގެ އެ ހާދިސާގައި ދޯނި ބިންދައިގެން ދިއުމުން ބޮޑެތި މާލީ ގެއްލުންވެފައި ވެއެވެ. މީހަކަށް އެއްވެސް ގެއްލުމެއް ނުވެއެވެ.
ގއ. ދާންދޫ ދޯންޏެއް ކަނޑަށް ބިންދައިގެން ހިނގައްޖެ އެވެ. މި ހާދިސާގައި މީހަކަށް ގެއްލުމެއް ނުވެއެވެ.
ބިންދައިގެން ދިޔައީ ދާންދޫ "ފަހިރޯދި" ދޯންޏެވެ. ރޭ ދަންވަރު ވަގުތެއްގައި ދޯނި ބިންދައިގެންގޮސްފައި ވަނިކޮށް އެހީތެރި ކަމަށް އެދުމުން އެހީވެ ދީފައި ވަނީ ސަރުކާރުގެ މަސް ކުންފުނި، މިފްކޯގެ ބޯޓެއް ކަމަށް "ރަންދި 23" އެވެ.
ރޭގެ އެ ހާދިސާގައި ދޯނި ބިންދައިގެން ދިއުމުން ބޮޑެތި މާލީ ގެއްލުންވެފައި ވެއެވެ. އެ ދޯނި ބިނދުނީ މަހަށް ނުކުމެ މާކަނޑުގައި އުޅެނިކޮށެވެ. ދޯނީގައި 25 އަކަށް ފަޅުވެރިން މަސައްކަތް ކުރެ އެވެ.
މިދިއަ ނޮބެމްބަރު މަހުގެ ތެރޭގައި ދ. ހުޅުދެލީ ބޭރުން ދަތުރު ކުރަމުން ދިޔަ މުދާ އުފުލާ ދޯންޏެއް ބިންދައިގެން ގޮސް ހާލުގައި ޖެހިފައި ވެއެވެ. އަދި އޭގެ ކުރިން މިދިއަ ސެޕްޓެމްބަރު މަހު ވެސް ދޯންޏެއް ބިންދައިގެން ދިޔަ އެވެ. އެފަހަރު ބިންދައިގެން ދިޔައީ މާލެ އަތޮޅު ގާފަރު "ހުދަންބަރު" ދޯންޏެވެ.
ކޮމެންޓް
Republic of Maldives