ބުރްކިނަ ފާސޯގައި 50 އަންހެނުން ވަގަށް ނަގައި ނިޒާމުން ގެއްލުވާލައިފި

ބުރްކިނަ ފާސޯގެ އުތުރުގެ ޕްރޮވިންސެއް ކަމަށް ސޫމްގައި މި މަހުގެ 12 އަދި 13 ވަނަ ދުވަހު ބަޑި ހިފައިގެން ތިބި ޖަމާއަތެއްގެ ބަޔަކު ވަލުތެރެއިން ކުރިއަށް ނުކުމެ 50 އަންހެނުން ވަގަށް ނަގައި ނިޒާމުން ގެއްލުވާލާފައިވާ ކަމަށް އެ ގައުމުގެ ސަރުކާރުން ބުނެފި އެވެ. 

ބަޑިއާއެކު ހަތިޔާރު އެޅި ބަޔަކު ކުރިއަށް ނުކުމެ އަންހެންވެރިން ވަގަށް ނަގާފައި ވަނީ ސޫމްގެ އަރިބިންޑާ ރަށާ ގާތްގަނޑަކަށް 15 ކިލޯމީޓަރު ދުރުގައި އޮންނަ ލިކީ އަވަށުގެ ބޭރުންނެވެ. އެ އަންހެންވެރިންނަކީ އެ ރަށުގެ ހުޅަނގުން ވާ ސަރަހައްދުން މޭވާ ބިންނާށާއި ވެއްޓޭ މޭވާ ހޮވާން ނުކުމެ އުޅޭ މީހުންގެ ތެރެއިން ބައެކެވެ. 

"ޝިކާރައަކަށް ވެފައިވާ އެ ހުރިހާ މައުސޫމު މީހުން ރައްކާތެރިކަމާއެކު ހޯދަން މަސައްކަތް ފަށާފައި ވަނީ،" ހޯމަ ދުވަހު ސަރުކާރުން ނެރުނު ބަޔާނެއްގައި ބުނެފައިވެ އެވެ.

އޮފިޝަލުން ވިދާޅުވާ ގޮތުގައި ސިފައިންނާއި ސިފައިންގެ ތެރޭގައި ހިމެނޭ މަދަނީ އެހީތެރިން ވަނީ ސަރަހައްދުތައް ބަލައި މިހާތަނަށް މީހުން ހޯދުމުގައި ނާކާމިޔާބުވެފަ އެވެ.

ބުރްކިނާ ފާސޯއަކީ ދުނިޔޭގެ އެންމެ ފަގީރު އެއް ގައެވެ. އަވަށްޓެރި މާލީ ތެރެއިން ހިލިގަނެ 2015 ވަނަ އަހަރުން ފެށިގެން އަލްގައިދާ އާއި އައިއެސް (އައިއެސްއައިއެސް) އާ ގުޅުން ހުރި ހަތިޔާރު އެޅި ޖަމާއަތްތަކުން ހިންގާ އަނިޔާވެރި ހަރަކާތްތައް ހިފެހެއްޓުމަށް ބްރިކިނަ ފާސޯއަށް ދަތިތަކާ ކުރިމަތިވެފައި ވެއެވެ. އެކަމާ ގުޅިގެން އެ ގައުމުގެ ނިޒާމް އަބަދުމެ އޮންނަނީ ބޮއްސުންލައިފަ އެވެ.