ރިތިކާއި ސަބާގެ ކައިވެނި މިއަހަރު އޮވެދާނެ
ރިތިކާއި އޭނާގެ ކުރީގެ އަންހެނުން ސުޒާންގެ ކައިވެނި ރޫޅައިލީ 2014 އެވެ. ކައިވެންޏަށް ރިހާން އާއި ރިދާން ލިބިފައި ވެއެވެ.
ބޮލީވުޑްގެ ޓޮޕް ސްޓާރު ރިތިކް ރޯޝަނާއި އާ ލޯބިވެރިޔާ އަދި ލަވަ ކިޔުންތެރިޔާ ސަބާ އާޒާދު މި އަހަރު ކައިވެނި ކުރަނީ އެވެ.
ރިތިކާއި ސަބާގެ ލޯބީ ގުޅުމަކީ މިހާރު ސިއްރެއް ވެސް ނޫނެވެ. އެއީ އެންމެނަށް އެނގޭ އަދި އާއިލާގެ ރުހުން އޮތް ލޯތްބެކެވެ. އުމުރުން މިހާރު 49 އަހަރުގެ ރިތިކާއި ސަބާ ވެސް ބޭނުން ވަނީ ވަރަށް އަވަހަށް ކައިވެނިކޮށް އާ ދިރިއުޅުމެއް ފަށައިގަތުމަށް ކަމަށް ރިޕޯޓްތައް ބުނެ އެވެ. ދެ މީހުންގެ ކައިވެނި މި އަހަރުގެ ތާރީހެއްގައި ކުރާނެ އެވެ.
ރިތިކްގެ ފިލްމް ޝެޑިއުލް ވަރަށް ބިޒީ އެވެ. މިދިޔަ އަހަރު ނުކުތް "ވިކްރަމް ވޭދާ" އަށް ފަހު ރިތިކް މިހާރު ހުރީ ޑައިރެކްޓަރު ސިދާތު އާނަންދު ދީޕިކާ ހިމަނައިގެން ހަދާ "ފައިޓާ" ގެ މަސައްކަތުގަ އެވެ.
ރިތިކާއި އޭނާގެ ކުރީގެ އަންހެނުން ސުޒާންގެ ކައިވެނި ރޫޅައިލީ 2014 އެވެ. ކައިވެންޏަށް ރިހާން އާއި ރިދާން ލިބިފައި ވެއެވެ.
ކޮމެންޓް
Republic of Maldives