ކަޝްމީރުގައި ހަމަލާ ގަދަވެ ދެ ކުއްޖަކު މަރު ވެއްޖެ

ކަޝްމީރުގައި އިންޑިއާގެ ކޮންޓްރޯލް، އެޑްމިނިސްޓްރޭޝަނެއް ހިނގާ ފަޅީގެ އަވަށެއްގައި ބާރު ގޮވުމެއް ގޮވައި ދެ ކުދިން މަރުވެ، އާންމުންގެ އިތުރު ފަސް މީހަކު ޒަހަމްވެފައިވާ ކަމަށް ފުލުހުން ބުނެފި އެވެ. މި ގޮވުން އައިސްފައި ވަނީ ރާޖޯރީ ދެކުނުގެ އަވަށެއްގައި ހޯމަ ދުވަހުގެ ރޭގަ އެވެ.

ބޮމުގެ އެ ހަމަލާގައި ފަސް އަހަރުގެ ފިރިހެން ކުއްޖަކާއި 12 އަހަރުގެ އަންހެން ކުއްޖަކު މަރުވެފައިވާ ކަމަށް އޮފިޝަލުން ވިދާޅުވެފައިވާއިރު، އަނިޔާވި މީހުންނަށް ހޮސްޕިޓަލެއްގައި ގެންދަނީ ފަރުވާ ދެމުންނެވެ.

ހުކުރު ދުވަހުގެ ރޭ ވެސް ތިން ގެއަކަށް ބަޑި ޖަހާފައިވާ ކަމަށް ފުލުސް އޮފިސަރު މުކޭޝް ސިންގް ނޫސްވެރިންނާ ވާހަކަ ދައްކަވަމުން ވިދާޅުވި އެވެ. އޭނާ ވިދާޅުވީ އާންމުންގެ ހަތަރު މީހަކު މަރުވެ ފަސް މީހަކު ޒަހަމްވެފައި ވާ ކަމަށެވެ.

އިންޑިއާ އާއި ޕާކިސްތާނާ ދެމެދު މައްސަލަ ޖެހިފައިވާ ސަރަހައްދުން އަސްކަރީ ލައިން އޮފް ކޮންޓްރޯލް އާއި ކައިރީ މި ދެ ހަމަލާ ދިނީ ހަތިޔާރު އެޅި ހަނގުރާމަވެރި މީހުން ކަމަށް ފުލުހުން ތުހުމަތު ކުރި އެވެ.

ހިންދޫންގެ އަޣުލަބިއްޔަތު އޮންނަ އެ ސަރަހައްދުގައި މަރުވި އަދި ޒަހަމްވި އެންމެންނަކީ ވެސް ހިންދޫންނެވެ. އެކަމާ ގުޅިގެން އެތައް ސަތޭކަ ބަޔަކު އިއްުޔެ އެއްވެ، ހަމަލާ އާއި އެ ހަމަލާ ދިން މީހުން ކުށްވެރިކޮށް ޝިއާރުތައް އުފުލައި މުޒާހަރާއެއް ކުރި އެވެ. އަދު އެމީހުން ވަނީ މައިދާނުގައި މަރުވި މީހުންގެ ހަށިގަނޑުތައް ސަފަކަށް ބަހައްޓައި، އެ ސަރަހައްދުގައި ހުންނަ ނިއުދިއްލީގެ އެންމެ އިސް އެޑްމިނިސްޓްރޭޓަރު މަނޯޖް ސިންހާ އެ ރަށަށް ޒިޔާރަތް ކުރުމަށް ޑިމާންޑް ކޮށްފައެވެ.

އިންޑިއާ އާއި ޕާކިސްތާނުން ކޮންމެ ގައުމަކުން ވެސް ދައުވާ ކުރަނީ ކަޝްމީރަށެވެ. އިންޑިއާގެ ބޭރުގައި އޮންނަ ފަޅީގައި 1989 ވަނަ އަހަރުން ފެށިގެން ނިއުދިއްލީގެ ވެރިކަމާ ދެކޮޅަށް ހަނގުރާމަ ކުރެ އެވެ. ގިނަ މުސްލިމް ކަޝްމީރުން ތާއީދު ކުރަނީ ޕާކިސްތާނުގެ ވެރިކަމުގެ ދަށުން ނުވަތަ މިނިވަން ގައުމެއްގެ ގޮތުގައި އެ ސަރަހައްދު އޮންނާށެވެ.