ޓޫރިޒަމް އަހަރުގެ ޓާކެޓް ހާސިލްކޮށް 1.6 މިލިއަން ހަމަކޮށްފި

ޓޫރިޒަމަށް ބައި ގަރުނު ފުރުނު މި އަހަރަށް ކަނޑައެޅި ޓޫރިޒަމް ޓާގެޓް 1.6 މިލިއަނުގެ އަމާޒު މިއަދު ހަމަ ވެއްޖެ އެވެ. މި މުހިންމު އަދަދުގެ އެ ނަމްބަރު ހަމަކޮށް ދިނީ އިންޑިއާގެ ޒުވާނެކެވެ. އެ ހާއްސަ ޓޫރިސްޓަކަށްވީ އިންޑިއާ ތޭޖާސް ސަންޖޭ ކޮތާރީ 27، އެވެ. އޭނާ އަލަށް މިއަދު ރާއްޖެ އާއި އޭނާގެ ޒުވާން އަނބިމީހާއާއެކު ހަނީމޫނަށެވެ.

"އަހަރެން މިހުރީ ވަރަށް އުފާވެފައި، މިއީ ވަރަށް ބޮޑު ސަޕްރައިޒެއް، ވަރަށް ރީތި ގައުމަކުން ލިބުނު ވަރަށް ބޮޑު އުފާވެރި ކަމެއް،" އޭނާ ބުންޏެވެ.

ރާއްޖޭން 1.6 މިލިއަން ވަނަ ޓޫރިސްޓަށް މަރުހަބާ ކިޔުން ފާހަގަ ކުރަން ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި މިއަދު ބޭއްވި ރަސްމިއްޔާތުގައި ޓޫރިޒަމް މިނިސްޓަރު ޑރ، އަބްދުﷲ މައުސޫމް އާއި ރާއްޖޭގެ ޓޫރިޒަމް ޕްރޮމޯޝަން ބޯޑް، އެމްއެމްޕީއާރުސީގެ މެނޭޖިން ޑިރެކްޓަރު ތޮއްޔިބު މުހައްމަދު ބައިވެރިވަޑައިގަތެވެ.

އިންޑިއާގެ ޒުވާނާ ބުނީ އާދަޔާހިލާފު ރީތި ގައުމަކަށް އޭނާ އައުމާއެކު ލިބުނީ ވަރަށް ބޮޑު ސަޕްރައިޒެއް ކަމަށާއި އެއީ އޭނާ ހީކޮށްގެން ހުރިފަދަ ކަމެއް ނޫން ކަމަށެވެ.

ރާއްޖޭގައި ކޮވިޑް މެނޭޖު ކުރަން ޓޫރިޒަމް އިންޑަސްޓްރީއާއެކު ހިންގި "އޮޕަރޭޝަން ކޮވިޑް މެނޭޖު" ގައި ޓޫރިޒަމް ވިޔަފާރިތަކަށް ސަރުކާރުން ގިނަ ލުއިތަކެއް ދީފައިވެ އެވެ. އެގޮތުން ކޮވިޑް-19 އާ ގުޅިގެން 17 ބިލިއަން ރުފިޔާގެ ރިސޯޓު ބިމުކުލި ސަރުކާރުން ވަނީ ފަސްކޮށްދީފަ އެވެ. މީގެ އިތުރުންވެސް ގެސްޓްހައުސް ސިނާއަތް ކުރިއަރަމުން ބިލިއަނެއްހާ ރުފިޔާގެ ލޯނު ދިނެވެ.

މި ހުރިހާ މަސައްކަތްތަކާއެކު ޖެހިގެން އައި 2021 ވަނަ އަހަރު ރާއްޖެއަށް 1.3 މިލިއަން ޓޫރިސްޓުން އައިސްފައިވެ އެވެ. އަދި ޖެހިގެން އަދި މި އަހަރުގެ ރިޔާސީ ބަޔާނުގައި 1.6 މިލިއަންގެ ޓާގެޓެއް ދިނުމާއެކު އެމްއެމްޕީއާރުސީ އިސްވެ އޮވެ އިންޑަސްޓްރީއާއެކު މަސައްކަތް ފެށި އެވެ. ރާއްޖެ ޕްރޮމޯޓް ކުރަން ހިންގި ގިނަ ހަރަކާތްތަކާއެކު މިއަދު މިވަނީ ޓާގެޓަށް ވާސިލްވެފަ އެވެ.

މިއަދު މި އަހަރުގެ އަމާޒު ހާސިލުވި އިރު ރާއްޖޭގެ ފަތުރުވެރިކަން ދުނިޔެއަށް އިޝްތިހާރުކޮށް އަންނަ ފަތުރުވެރިންގެ އަދަދުތައް އިތުރުކުރަން އެމްއެމްޕީއާރްސީ އާއި ސިނާއަތުން ގިނަ މަސައްކަތްތެއް ކުރި އެވެ. ރާއްޖެއިން ވަނީ މިއަހަރު "ވޯލްޑް ލީޑިން ޑެސްޓިނޭޝަން" ގެ އެވޯޑް ވިދިވިދިގެން ތިން ވަނަ ފަހަރަށް ހޯދާފަ އެވެ.