އަލިފާނަށް ފަހު ސަރަހައްދު ބަންދުކޮށް މީހުން ދެނެ ގަތުމުގެ މަސައްކަތް ކުރާއިރު ފެންނަ މީހުން ހޮސްޕިޓަތަކަށް ފޮނުމުގެ މަސައްކަތް ވެސް ކުރެއެވެ.
އަފްޣާންގެ އުތުރުގެ ޕަރްވާންގައި ތެޔޮ އުފުލާ ޓޭންކަރެއްގައި އަލިފާން ރޯވެ 19 މީހުން މަރުވެ، 32 މީހަކު ޒަހަމް ވެއްޖެ އެވެ. މަރުވި އަދި ފިހުނު މީހުންގެ ތެރޭގައި އަންހެނުންނާއި ކުޑަކުދިން ވެސް ހިމެނެ އެވެ.
ޓޭންކަރު ދަތުރު ކުރީ ފަރުބަދަމަތީ ސަރަޙައްދެއްގައި އޮންނަ އަދި ކާބުލް ގުޅައިދޭ މައި މަގުގަ އެވެ. އަލިފާނުގެ ހާދިސާ މި މަގު އޮންނަނީ ފަރުބަދަމަތީން އުހުގަ އެވެ. ޕަރްވާންގެ ސަލަންގް ޕާސް ހުރަސްކޮށް ވެރިރަށް ކާބުލްއާ ދިމާއަށް ދިޔައިރު އެ ޓޭންކަރު ރޯމުވުމުގެ ކުރީން ވަނީ ފޮރުޅާލާފަ އެވެ. އޭ ފަހުން ރޯވި އަލިފާގަނޑު ވަރަށް ބޮޑަށް ފެތުރި އެހެން ވެހިކަލްތަކުގައި ވެސް ހިފި އެވެ.
ޓޭންކަރުގައި ރޯވެގެން ފެތުރުނު އަލިފާނުގައި ގިނަ ބަޔަކު މަރުވެފައި ވަނީ ފިހިގެނެވެ. އަދި ބައެއް މީހުން ސަލާމަތްވާ އުޅުމުގެ ތެރޭގައި ތާށި ވެގެނެވެ.
އަލިފާނަށް ފަހު ސަރަހައްދު ބަންދުކޮށް މީހުން ދެނެ ގަތުމުގެ މަސައްކަތް ކުރާއިރު ފެންނަ މީހުން ހޮސްޕިޓަތަކަށް ފޮނުމުގެ މަސައްކަތް ވެސް ކުރެއެވެ. މިއީ މީގެ ކުރީން ވެސް ހާދިސާތައް ހިނގާފައިވާ މަގެކެވެ.