ގައްދޫ ގޭދޮށު މަސް ފެކްޓަރީ އަޅަން ލަންކާ ބަޔަކަށް
ގދ. ގައްދޫ މަސް ފެކްޓްރީ އަޅަން ހަވާލު ކުރީ ފަސް މިލިއަން ޑޮލަށެވެ. އެ މަސައްކަތް ހަވާލުކުރީ ސްރީލަންކާގެ ސިވިލް ލަންކާ ކުންފުންޏަށެވެ.
ސަރުކާރުގެ މަސް ވައުދުގެ "ގޭދޮށު މަސް ފެކްޓްރީ" ސިޔާސަތުގެ ދަށުން ގދ. ގައްދޫގައި ފެކްޓަރީ އަޅަން ފަސް މިލިއަން ޑޮލަރު (ގާތްގަނޑަކަށް 76 މިލިއަން ރުފިޔާ) އަށް ސްރީލަންކާގެ ސިވިލް ލަންކާ ކުންފުންޏަަކާއެކު ސޮއި ކޮށްފި އެވެ.
ގައްދޫގައި ބޭއްވި ރަސްމިއްޔާތެއްގައި ގައްދޫ ކައުންސިލްގެ ފަރާތުން ސޮއި ކުރެއްވީ ރައީސް މުހައްމަދު އަހުމަދު އެވެ. މި ރަސްމިއްޔާގައި ފިޝަރީޒް މިނިސްޓަރު ޑރ. ހުސެއިން ރަޝީދު ހަސަން ވެސް ބައިވެރިވެ ވަޑައިގެތެ.
މި މަސައްކަތް ކުރިއަށް ގެންދާނީ މަސް ޕްރޮސެސްކޮށް ބޭރަށް އެކްސްޕޯޓް ކުރެވޭ ފެންވަރަށެވެ. މި މަސައްކަތް ނިމުމުން އެތަނުގައި މަސައްކަތް ކުރާ މުވައްޒަފުންގެ 60 ޕަސެންޓް ދިވެހިންނަށް ހަދަން ކައުންސިލުން ވަނީ ލާޒިމް ކޮށްފަ އެވެ. އެހެންވެ ފެކްޓްރީގައި 40 ޕަސެންޓް މުވައްޒަފުންގެ ގޮތުގައި ތިބޭނީ ބިދޭސީންނެވެ.
މި ފެކްޓްރީގައި ހުންނާނެ ހިދުމަތްތައް
- ދަޅު މަސް ބަންދު ކުރާނެ
- 25 މެޓްރިކް ޓަނުގެ ބްލޮކް އައިސް ޕްލާންޓެއް
- 10 ޓަނުގެ ފްލޭކް އައިސް ޕްލާންޓެއް
- 100 ޓަނުގެ ކޯލްޑް ސްޓޯރެއް
- ބްލާސްޓް ފްރީޒަރެއް
- އެއް މިލިއަން ޑޮލަރުގެ ފިޝް މީލް ޕްލާންޓެއް
ފެކްޓްރީގެ މަސައްކަތް ހަވާލުކުރީ އެއް އަހަރު ދުވަހުގެ ތެރޭގައި ނިންމައި ހިދުމަތް ދޭށެވެ.
މި ސަރުކާރު ވެރިކަމަށް އައުމަށް ވީ މަސް ވައުދުގެ ތެރޭގައި ހިމެނޭ ކަމެއްގެ ގޮތުގައި ގޭދޮށު މަސް ފެކްޓްރީ ހެދުން އޮތް ނަމަވެސް މިހާތަނަށް އެންމެ މަސް ފެކްޓްރީއެއް ވެސް ހަދާފައެއް ނުވެ އެވެ. ނަމަވެސް ބައެއް ރަށްރަށުގައި މަސް ފެކްޓްރީ ހަދަން ބިޑް ކޮށްފައިވެ އެވެ.
ކޮމެންޓް
Republic of Maldives