ވޮލެޓު ފޭރިގަތުމުން ބޮޑު ބިރެއްގެ ތެރެއަށް، ދެން މަރު!

އިއްޔެގެ ހެނދުނު ގަޑީން 10:00 ޖަހާން އޮވެ ދެއެވެ. ދަތުރުވަރެއްގައި މާލެ އައިސް އުޅުނު ތ. އޮމަދޫ، އަދުނާން ހުސައިން ވެސް މިނިވަން ކަމާއެކު ރީތިކޮށް މަގުމަތީ ހިނގާފައި ދެ އެވެ. މާލޭގައި ހުރިއްޔާ، އުމުރުން 70 އަހަރުގެ އަދުނާނު އާދައިގެ މަތީން ބާޒާރު ބަލައިލާން ދަނިކޮށް އޭނާއާ ކުރިމަތިވީ ބިރުވެރި އެހައި ނުރައްކާތެރި ހާދިސާއަކާ އެވެ. އައި ނައިގޮތެއް ނޭނގި ބަޔަކު މީހުން ހަމަ ކުއްލިއަކަށް އޭނާއާ އަރާ ހަމަކޮށް ތޫނު އެއްޗަކުން ހަމަލާ ދީފައި ވޮލެޓް ފޭރިގަނެގެން ދިޔައީ އެވެ. ފައިސާ ހުރި ވޮލެޓު ހޯދަން އެ މީހުންގެ ފަހަތުން އަދުނާނަށް ދުވެވޭނެ ވަރަކަށް ދުވީ ޒަހަމަކާއެކު އެވެ. ދުވެ ދުވެ ވަރުބަލިވި އިރުވެސް އަތެއް ނުވި އެވެ. އެންމެ އެ ހާދިސާގެ ތެރެއިން "ހިތްފަޅައިގެން" ގޮސް އަދުނާނު މަރުވެ ވަކި ވެގެން ދިޔައީ އެވެ.

އާދުނާން އަތުން ފޭރުނު މީހުން ވޮލެޓްގައި ހުރި ފައިސާތައް ނެގުމަށް ފަހު، ވޮލެޓް ހޫރައިލީ އެވެ. ވަރަށް ވަރުބަލިވެފައި ހުރި އަދުނާނު، ހުސް ވޮލެޓް ނަގައިގެން ވަރުބަލި ކަމާއެކު މަގުމަތީގައި މަޑުކޮށްލީ އެވެ. އަދި ވަރަށް ބޮޑަށް ހާސްވެ ކުރާނެ ކަމެއް، ބުނާނެ އެއްޗެއް ވެސް ނޭނގިފައި ހުއްޓާ މަގުމަތި ޕެޓްރޯލް ކުރަމުންދިޔަ ފުލުހަކު ފެނިގެން އޭނާއާ ކުރިމަތިވި ފޭރުމުގެ އެ މުޅި ހާދިސާ އެ ފުލުސް މީހާއަށް އަދުނާން ކިޔައި ދިނުމުން ފުލުސް ވެހިކަލްގައި ގެންދިޔައީ ފުލުސް އިސްޓޭޝަނަށެވެ. -- މިއީ އާއިލާ ބުނެދޭ ގޮތެކެވެ. އެހެން ނަމަވެސް ފުލުސް އިދާރާއިން ބުނާ ގޮތުގައި މައްސަލަ ހުށަހަޅަން އަދުނާން ފުލުހަށް ދިޔައީ އަމިއްލައަށެވެ. ގޮސް ފުލުހަށް ވަންނަ ވީޑިއޯ އެބަހުއްޓެވެ.

އަދުނާންގެ ދަރިފުޅު އަލީ ފިރާގް "މި" ނޫހަށް މިއަދު ކިޔައިދިން ގޮތުގައި އޭނާގެ ބައްޕަ ފުލުސް ސްޓޭޝަނަށް "ގެންދިޔައިރު" / އަމިއަލައަށް ދިޔައިރު ހުރީ ވަރަށް ބޮޑަށް ހާސްވެ ކަން ބޮޑުވުމާއެކު ގޮތް ހުސްވެފަ އެވެ.

އަދި އޭނާ ބުނި ގޮތުގައި ގޮތުގައި ބައްޕައަކީ ހިތުގެ ބަލި ހުންނަ މީހެކެވެ. ނަމަވެސް، އެކަމާ ގުޅިގެނެއް މިހައިތަނަށް މައްސަލަތަކެއް ބައްޕައަށް ދިމާވެފައެއް ނެތެވެ. ބައްޕަ އުމުރުން ދުވަސްވެ ދޮށީ އުމުރުގެ ތެރެއަށް ވަދެފައިވި ނަމަވެސް ބައްޕަ ދިޔައީ އާދައިގެ ދިރިއުޅުމެއްގައި މަސައްކަތް ކުރަމުންނެވެ. އަދި އިއްޔެއާ ހަމައަށް ވެސް ބައްޕަގެ ސިއްހަތު އެންމެ ރަނގަޅެވެ.

"ބައްޕަގެ ހިތުގެ މައްސަލައެއް ހުރޭ! އެކަމަކު އޭގެ ސަބަބަކުން މާ ބޮޑު އުނދަގުލެއް ބައްޕައަކަށް ނުވޭ... [އެކަމަކު] ބައްޕަގެ ހިތުގެ އެ މައްސަލަ ހުންނާތީ ހޮޅިކޮޅެއް ލައްވައިގެން ބައްޕަ އެ އުޅެނީ... އެކަމަކު އޭގެ އެއްވެސް އުނދަގުލެއް ބައްޕައަށް ދިމާނުވޭ... މިހަތަނަށް ވަރަށް ރަނގަޅަށް ބައްޕަ ހުރީ،" ފިރާގް ބުންޏެވެ.

ފިރާގު ބުނާ ގޮތުގައި ފޭރު ހާދިސާއަށް ފަހު، ޕޮލިސް ސްޓޭޝަންގައި އިންދާ ބައްޕައަށް ބަދަލުތަކެއް އަންނަކަން ފާހަގަ ކުރެވުނެވެ. އަދި ފުލުހުން އަދުނާނު ގޮވައިގެން ސަރުކާރު ހޮސްޕިޓަލް، އައިޖީއެމްއެޗަށް ވަގުތުން ދިޔަ އެވެ. ފަރުވާ ވެސް ދިނެވެ. ނަމަވެސް ހޮސްޕިޓަލުގެ މީހަކާ ހަވާލާދީ ފިރާގް ބުނަނީ ބައްޕަ ހޮސްޕިޓަލަށް ގެންދިޔައިރުގައި ވެސް އޮތީ މަރުވެފަ އެވެ. ހޮސްޕިޓަލުން ފިރާގާ ވާހަކަ ދެއްކީ ކާކު ކަމެއް އޭނާ ނުބުނެ އެވެ.

"[ބައްޕަ މަރުވުމުގެ ކުރިން] ހުރިހާ މައުލޫމާތެއް ވެސް ބައްޕަ [ފުލުހަށް] ދިން. އައިޑީކާޑުގެ މައުލޫމާތާއި ރަށުގެ މައުލޫމާތާ ދިން ފަހުން ބައްޕައަށް އެހެން ދިމާވީ،" ފިރާގު ކިޔައިދިނެވެ.

ފިރާގު ބުނި ގޮތުގައި މި ހާދިސާގެ ތެރެއިން ބައްޕަ ނިޔާވެފައިވާއިރު، އޭނާގެ ބައްޕަ އޮބައި ބާއްވާ ފޭރުނު މީހުން އިއްޔެ އެނާގެ ބައްޕަގެ އަތުން ހަ ހާހަށްވުރެ ގިނަ ރުފިޔާ ފޭރުނެވެ. އަދި ފޭރުނު މީހުން މިހާރު ހޯދައި އަތުލައިގެންފައިވާ ކަމަށް ފުލުހުން ބުނެ އެވެ.

ފިރާގް ބުނި ގޮތުގައި ބައްޕަ ނިޔާވެގެން ދިޔަ ހާދިސާ އާއި އެކަން ހިނގައި ދިޔަ ގޮތުން އާއިލާއަށް ފުން ހިތާމައެއް ލިބިފައިވާއިރު އެކަމާ ގުޅިގެން ކުރާނެ ޝަކުވާތަކެއް ނެތެވެ. ނަމަވެސް ކަންބޮޑުވުންތަކެއް ވެއެވެ. އެއް ކަމަކަށް އޭނާ ފާހަގަ ކުރީ ބައްޕަގެ އަތުގައި ހުރި ޒަހަމެއް ދެ އިންޗިއެއްހާ ފުނަށް ހުރުމާއި އެއީ މީހެއްގެ ނިޔަފަތި އެޅިގެން ވި ޒަހަމެއް ކަމަށް ފުލުހުން ބުނާ ބުނުމެވެ. އަދި ބައްޕަ އެ ހާލަތުގައި ވަނިކޮށް ހޮސްޕިޓަލަށް ގެންދިއުން ލަސްވި ލަސްވުމެވެ.

"ކޮންމެވެސް ކަހަލަ ތޫނު އެއްޗަކުން ހަމަލާދީގެން އެހުރީ ވޮލެޓު ފޭރިގެންފައި! .... އެހެންވީމަ އެ ވަގުތު ބައްޕަ ޕޮލިސް ސްޓޭޝަނަށް ގެންދާކަށް ނުޖެހޭ. ބައްޕަ ގެންދަން ޖެހެނީ ހޮސްޕިޓަލަށް،" އޭނާ ބުންޏެވެ.

ފައިސާ ކޮޅު ފޭރިގަތުމުގެ ހާދިސާގެ ތެރެއިން ޒަހަމަމާއެކު ލިބުނު ބޮޑު ހާސް ކަމުގައި އަދުނާންގެ ކުއްލިއަކަށް "ހިތް ދަތި ވެގެން" ނިޔާވީ އެވެ. އެ ވަކިވުމާއެކު އޭނާގެ ހަތް ކުދިންނަށް ވަނީ ވަރަށް ބޮޑު ހިތާމައަކާ ކުރިމަތި ވެފައެވެ.