ނޮޅިވަރަމްފަރު އިސްމެޖިސްޓްރޭޓުގެ ސުލޫކީ މައްސަލައެއް

ހދ. ނޮޅިވަރަމްފަރު މެޖިސްޓްރޭޓް ކޯޓުގެ އިސް މެޖިސްޓްރޭޓް އަލީ އަހުމަދުގެ ސްލޫކީ މައްސަލައެއް ޖުޑިޝަލް ސާވިސް ކޮމިޝަން (ޖޭއެސްސީ) އިން ބަލަން ފަށައިފި އެވެ.

ޖޭއެސްސީ އިން މިއަދު ބުނެފައި ވަނީ އިސްމެޖިސްޓްރޭޓް އަލީގެ ސްކޫލީ މައްސަލައެއް ބަލަން ނިންމީ ފަނޑިޔާރެއްގެ ވާޖިބުތަކާ މަސްއޫލިއްޔަތުތައް އަދާ ކުރުމުގައި އިހުމާލުވެފައިވާ ކަމަށް ބެލެވޭ ޝަކުވާއެއް ހުށަހަޅާފައިވާތީ ކަމަށެވެ.

އެހެންކަމުން އާންމު އުސޫލެއްގެ ދަށުން މި މައްސަލަ ބެލުމަށް ތަހުގީގު ކޮމެޓީއެއް މިހާރު އެކުލަވާލައިފައިވާ ކަމަށް ޖޭއެސްސީ އިން ބުނެ އެވެ.

ފަނޑިޔާރުންގެ ސްލޫކީ މައްސަލަތައް ފަހަކަށް އައިސް ވަރަށް ގިނަ ވެފައިވާކަން ފާހަގަ ކުރެވެ އެވެ.