މިނިސްޓަރު ވިދާޅުވީ ސަޕްލައި ކުރުމުގެ މައްސަލައެއް ދިމާވި ކަމަށް ބެލިބެލުމުން އެނގުނު. ނަމަވެސް ޝޯޓޭޖު އައިއިރުވެސް އެސްޓީއޯއިން 40ރ އަށް ކިލޯ ލިބެންހުރި ކަމަށެވެ.

ބާޒާރުގައި ބައެއް ތަކެތީގެ އަގު އުފުލިގެން ދިޔައީ ސަޕްލައި ކުރުމުގެ މައްސަލައެއް ދިމާވެގެން ކަމުގެ މައުލޫމާތު ލިބިފައިވާ ކަމަށާ ނަމަވެސް މިހާރު އެ މަައްސަލަ ހައްލު ކުރެވިފައިވާ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.
ބާޒާރުގައި ކެރެޓު ކިލޯއެއް 100ރ. އިން މައްޗަށް އަރައިގެން ދިޔަ ދިއުމަށް އިޝާރާތް ކުރައްވައި މިނިސްޓަރު ސައީދު ވިދާޅުވީ
ކެރެޓުކިލޯގެ އަގާއި ގުޅިގެން ކުރެއްވިސުވާލަކީ އަގުބޮޑުވި ސަބަބު ބުނެދޭނެ ކަމަށެވެ.
"ސަޕްލައި ކުރުމުގެ މައްސަލައެއް ދިމާވި ކަމަށް ބެލިބެލުމުން އެނގުނު. ނަމަވެސް ޝޯޓޭޖު އައިއިރުވެސް އެސްޓީއޯއިން 40ރ އަށް ކިލޯ ލިބެންހުރި،" ސައީދު ވިދާޅުވި އެވެ.
މިނިސްޓަރު ސައީދު ވިދާޅުވީ މިހާރު ސަޕްލައި މައްސަލަދިމާވި ކުންފުނިތަކުގެ މުދާވެސް ވަނީ ކުލިއަ ކުރެވިފައި ކަމަށާ ވީމާ އަގު ބޮޑުކޮށް ނުވިއްކަވާނެކަމަށް އުއްމީދުކުރާ ކަމަށެވެ.
"ހަމައެއާއިއެކު ހަމަމިވަގުތުވެސް އެސްޓީއޯއިން އިތުރު ކެރެޓް ކޮންޓެއިނާސް ކްލިއާ ކުރަމުން އެބަދޭ،" ސައީދު ވިދާޅުވި އެވެ.