ސަރުކާރަށް ތިން އަހަރު | ބަނގުރޫޓުގެ "ވާހަކަ" އޮއްބާލުމަކީ ބޮޑު ކާމިޔާބީ

އިނދިކޮޅުން ތާބަދު ދެއްކީ ސްކޫކް ނުދެއްކި ޑިފޯލްޓްވާނެ ވާހަކަ އެވެ. ނަމަވެސް ސްކޫކް ދެއްކުމާއި މޫޑީސްގެ ރޭޓިންވެސް މަތިވެގެން ދިޔަ އެވެ. އިންވެސްޓަރުންގެ އިތުބާރު ބޮޑުވި އެވެ.

ރައީސް ޑރ. މުހައްމަދު މުއިއްޒު ކެބިނެޓް ބައްދަލުުވުމެއްގައި -- ރައީސް އޮފީސް

ރައީސް ޑރ. މުހައްމަދު މުއިއްޒުގެ ސަރުކާރު ފެށުނުއިރު، އެންމެ ގަދައަށް ދެއްކި ވާހަކައަކީ "ގައުމު ބަނގުރޫޓު" ވާނެ އެވެ. ވެރިކަން ނިމުމަށްފަހު އިންޓަނޭޝަނަލް މާކެޓަށް "ފަހުންމާ ގޮތަށް" އިނދިކޮޅުން މި ވާހަކަ ދެއްކި އެވެ. ނަތީޖާއަކީ ރާއްޖޭން މި އަހަރުގެ އެޕްރީލް 6 ވަނަ ދުވަހު ހަލާސް ކުރަން ހުރަސްތައް ކުރިމަތިވުމެވެ. އިންވެސްޓަރުންގެ އިތުބާރު ކުޑަވަމުން ދިއުމެވެ.  އެހެންގެ ސަރުކާރުން ދިޔައީ މި ސްކޫކް ހަލާސްކުރާނެ "އޮޕްޝަން" ތައް ހޯދަމުންނެވެ. މި ސްކޫކަށް ދައްކަން އޮތީ 500 މިލިއަން ޑޮލަރެވެ. މިއީ ރާއްޖޭގެ ރިޒާވްއަށްވުރެ ބޮޑު އަދަދެކެވެ. 

ނަމަވެސް ސަރުކާރުން ވަނީ މި ސްކޫކް އަދާކޮށްފަ އެވެ. ސްކޫކް އަދާކުރީ ސޮވްރިން ފަންޑުގައި ރައްކާކުރި ފައިސާ އާއި ރިޒާވުން ފައިސާ ނަގައިގެންނެވެ. ނަތީޖާއަކީ ރާއްޖޭގެ ބަނގުރޫޓުވުމުގެ ވާހަކަ އޮބިގެން ދިއުމެވެ. އިންވެސްޓަރުންގެ އިތުބާރު ބޮޑުވުމެވެ. 

ސަރުކާރުން ފާހަގަކުރާ މައިގަނޑު ކާމިޔާބީތައް

ދަރަނި ޑިފޯލްޓް ނުވެ ގަވާއިދުން ދައްކަމުން ގެންދިއުން - ސަރުކާރާ ހަވާލުވިއިރު ދައުލަތުގެ ދަރަނި ބޮޑުވެ، ބޭރު ފައިސާގެ ރިޒާވް ދަށްވެފައި އޮތް ނަމަވެސް، ބައިނަލްއަޤްވާމީ މާލީ އިދާރާތަކަށާއި ބޭރުގެ ޤައުމުތަކަށް ދައްކަންޖެހޭ ލޯނުތަކާއި ސުކޫކްގެ އިންޓްރެސްޓް ފައިސާ ޑިފޯލްޓް ނުވެ، ކަނޑައެޅިފައިވާ ތާރީޚުތަކަށް ދައްކަމުން ގެންދިއުމަކީ ބޮޑު ކާމިޔާބީއެއްގެ ގޮތުގައި ފިނޭންސް މިނިސްޓްރީން ފާހަގަކުރެއެވެ.

ރައީސް ޑރ. މުހައްމަދު މުއިއްޒު ކެބިނެޓް ބައްދަލުުވުމެއްގައި -- ރައީސް އޮފީސް

ސޮވަރިން ޑިވެލޮޕްމަންޓް ފަންޑް (އެސްޑީއެފް) އަލުން އާރާސްތުކުރުން - ކުރީގެ ސަރުކާރުން އެސް.ޑީ.އެފްގައި ހުރި ޑޮލަރުތައް މާރުކޮށް، އެ ފަންޑުގެ ބޭނުން ނަހަމަ ގޮތުގައި ހިފާފައިވާ ކަމަށް މި ސަރުކާރުން ތުހުމަތުކުރެއެވެ. މި ސަރުކާރުން ވެރިކަމާ ހަވާލުވުމަށްފަހު، ބޭރުގެ ދަރަނި ދެއްކުމަށްޓަކައި އެސް.ޑީ.އެފްއަށް އަލުން ޑޮލަރު ޖަމާކުރަން ފަށައި، އެ ފަންޑުގެ ރިޒާވް އިތުރުކުރެވިފައިވާ ކަމަށް ސަރުކާރުން ބުނެއެވެ.

ބޭރު ފައިސާގެ އާމްދަނީ އިތުރުކުރުމުގެ ސިޔާސަތުތައް ތަންފީޒުކުރުން - ރާއްޖެއަށް ވަންނަ ބޭރު ފައިސާ ބޭންކިންގ ނިޒާމުގެ ތެރެއަށް ވެއްދުމަށްޓަކައި ބޭރު ފައިސާއާ ބެހޭ އައު ޤާނޫނެއް ތަޢާރަފުކޮށް، ފަތުރުވެރިކަމުގެ ދާއިރާއިން ލިބޭ ޑޮލަރުގެ ވަކި އިންސައްތައެއް ރާއްޖޭގެ ބޭންކުތަކަށް މާރުކުރަން މަޖުބޫރުކުރުމުން، ދަރަނި ދެއްކުމަށް ބޭނުންވާ ޑޮލަރު ހޯދުމަށް ފަސޭހަވެފައިވާ ކަމަށް ސަރުކާރުން ދެކެއެވެ.

އެކުވެރި ޤައުމުތަކާއެކު ދަރަނި ރީސްޓްރަކްޗަރ ކުރުމުގެ މަޝްވަރާތައް ކާމިޔާބުކުރުން: ރާއްޖެއަށް އެންމެ ގިނައިން ލޯނު ދީފައިވާ ޗައިނާ އަދި އިންޑިއާ ފަދަ ޤައުމުތަކާއެކު ކުރެވުނު ޑިޕްލޮމެޓިކް މަޝްވަރާތަކުގެ ސަބަބުން، ލޯނުތައް އަނބުރާ ދެއްކުމުގައި ލުއިފަސޭހަ ގޮތްތަކެއް ހަމަޖެހިގެން ގޮސްފައިވާ ކަމަށް ރައީސް ޑރ. މުޢިއްޒު ވަނީ ވިދާޅުވެފައެވެ. މީގެ ތެރޭގައި އިންޑިއާގެ ސްޓޭޓް ބޭންކް އޮފް އިންޑިއާ (އެސްބީއައި) އަށް ދައްކަންޖެހޭ ޓްރެޜަރީ ބިލްތައް ރޯލްއޯވަރ ކޮށްދިނުމާއި ކަރަންސީ ސްވޮޕް އެއްބަސްވުންތައް ހިމެނެއެވެ.

ޚަރަދު ކުޑަކުރުމާއި މާލީ އިޞްލާޙުތައް ގެނައުން - ސަރުކާރުގެ ހިންގުމުގެ ޚަރަދު ކުޑަކުރުމަށްޓަކައި ސިޔާސީ މަޤާމުތައް މަދުކުރުމާއި، ސަރުކާރު ހިއްސާވާ ކުންފުނިތައް (އެސްއޯއީ) ރިފޯމްކުރުމާއި، ސަބްސިޑީ ނިޒާމު ހަރުދަނާކުރުމުގެ މަސައްކަތްތައް ފަށާފައިވާ ކަމަށް ސަރުކާރުން ހާމަކުރެއެވެ. އަދި އަލަށް ނަގާ ލޯނުތައް މަދުކޮށް، ފައިސާ ޗާޕުކުރުން ހުއްޓާލުމަކީ އިޤްތިޞާދީ ހަމަޖެހުމަށް އެޅުނު މުހިންމު ފިޔަވަޅެއްގެ ގޮތުގައި ސަރުކާރުން ފާހަގަކުރެއެވެ.

ކޮމެންޓް

0
450

މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ

Newsroom
Phone: 7819333
Email: news@themirror.mv
Marketing
Phone: 7399333
Email: marketing@themirror.mv
H. Fairlin, Bodu thakurufaanu magu, Male
Republic of Maldives
© 2026 Mi. All rights reserved.