އެމްޕީއެލްއިން ވަނީ މިދިޔަ މަހުގެ 27 ވަނަ ދުވަހުން ފެށިގެން އެފްސީއެލް ކްލިއަރެންސް އޮޕަރޭޝަން ފަށާފަ އެވެ. މި މަސައްކަތުގެ ދަށުން ކޮންޓެއިނާ ތިލަފުއްޓަށް ގެންގޮސް ދޯނި ފަހަރަށް މުދާ ބަރުކުރާނެ އެވެ.

މާލެ ވިޔަފާރި ބަނދަރުން ކ. ތިލަފުށީގައި ތަރައްގީ ކުރަމުން ގެންދާ ތިލަފުށީ ޕޯޓަށް ކޮންޓެއިނަރު ގެންދާ އަގުތައް އެމްޕީއެލްއިން އާއްމުކޮށްފި އެވެ.
މާލެ ވިޔަފާރި ބަނދަރު ބަލަހައްޓާ ކުންފުނި އެމްޕީއެލްއިން އާއްމުކޮށްފައިވާ އަގުތަކުގައިވާ ގޮތުން 20 ފޫޓުގެ ކޮންޓެއިނާއެއް މާލެ ބަނދަރުން ތިލަފުއްޓަށް އުފުލައިދޭ އަގަކީ 1500ރ. އެވެ. އަދި 40 ފޫޓުގެ ކޮންޓެއިނާއެއްނަމަ އުފުލާ އަގަކީ 3000ރ، އެވެ. މި އަގުތައް މިއަދުން ފެށިގެން އެމްޕީއެލްއިން ވަނީ ނަގަން ފަށާފަ އެވެ.
އެމްޕީއެލްއިން ވަނީ މިދިޔަ މަހުގެ 27 ވަނަ ދުވަހުން ފެށިގެން އެފްސީއެލް ކްލިއަރެންސް އޮޕަރޭޝަން ފަށާފަ އެވެ. މި މަސައްކަތުގެ ދަށުން ކޮންޓެއިނާ ތިލަފުއްޓަށް ގެންގޮސް ދޯނި ފަހަރަށް މުދާ ބަރުކުރާނެ އެވެ. އެއީ ކޮންޓެއިނާގައި ހުންނަ މުދާ ކަނޑައިގެން ދޯނިތަކަށް ރަށްރަށަށް ގެންދިއުމުގެ މަސައްކަތެވެ. އެމްޕީއެލް އިން ވަނީ މި މަސައްކަތް ކުރުމަށްޓަކައި ގިނަ ހިދުމަތްތަކެއް ފުރިހަމަކޮށްފަ އެވެ.
މި މަޝްރޫއު މިހާރު އިންތިޒާމުވެފައިވަނީ އެކި މަސައްކަތް އެކި ކުންފުނިތަކުން ކުރާ ގޮތަކަށެވެ. މައިގަނޑު މަސައްކަތުގެ މުގުލުގައި ޗައިނާގެ ކުންފުންޏެއް އޮތަސް މަސައްކަތަށް މިހާރު ގޮތް ކިޔަނީ ދިވެހި ދައުލަތުންނެވެ. މި ބަނދަރުގެ ފަސް ހެކްޓަރުން 60 ހެކްޓަރުގެ ތަނަވަސް ޒަމާނީ ބަނދަރަކަށް ބަދަލު ކުރުން ހަލުވިވެފައިވަނީ ކުރިން ގެންގުޅުނު ވިސްނުން ދޫކޮށްލުމުންނެވެ. މި ބަނދަރުގެ އަމާޒަކީ ބޯޓު ފަހަރުގެ "ޓާންއެރައުންޑް" ނުވަތަ ޚިދުމަތްދީ ނިންމާ ވަގުތު މިހާރު ނަގާ 14-7 ދުވަސް ދެ ދުވަހަށްވުރެ ކުރު ކުރުމެވެ.