އެޗްޑީސީއަށް ޝަރަފެއް | މި އަހަރުގެ ރިވެލި އެވޯޑް އެ ކުންފުންޏަށް
ނުކުޅެދުންތެރިކަން ހުންނަ ފަރާތްތަކަށް އެހީތެރިކަން ފޯރުކޮށް ދިނުމުގެ ހެއްކަކީ އެ ކުންފުނީގައި މިހާތަނަށް 46 މުވައްޒަފުން މަސައްކަތް ކުރަމުން ދިއުމެވެ.
ނުކުޅެދުންތެރިކަން ހުންނަ ފަރާތްތައް ބާރުވެރި ކުރުފައި، އިގްތިސޯދީ ގޮތުން ހިދުމަތްތެރި ބަޔަކަށް ހަދާ ފަރާތްތަކަށް ދޭ "ރިވެލިއެވޯޑް" ހައުސިން ޑިވްލޮޕްމަންޓް ކޯޕަރޭޝަން (އެޗްޑީސީ) އަށް ލިބިއްޖެ އެވެ،
ބާސެލާސް ނަސަންދުރަ ހޮޓެލްގައި ރޭ ބޭއްވި ރަސްމިއްޔާތެއްގައި މި އެވޯޑާ އެ ކުންފުނީގެ ފަރާތުން ހަވާލުވީ މެނޭޖިން ޑިރެކްޓަރު ބްރިގޭޑިއާ ޖެނެރަލް (ރިޓަޔާޑް) އަލީ ޒުހައިރެވެ. އަދި މި އެވޯޑު ހަވާލުކޮށްދެއްވީ ރައީސުލްޖުމްހޫރީއްޔާގެ އަނބިކަނބަލުން ފަސްޓް ލޭޑީ ސާޖިދާ މުހައްމަދު އެވެ.
އެޗްޑީސީއަކީ ހާއްސަ އެހީއަށް ބޭނުންވާ ފަރާތްތަކަށް ވަޒީފާގެ ފުރުސަތުތަކާއި އެފަރާތްތަކުގެ ހުނަރު ތަރައްގީކުރުމުގެ ތަމްރީނުތައް ފަހިކޮށްދޭ ސަރުކާރުގެ އެއް ކުންފުންޏެވެ. އަދި އެ ކުންފުނިން މިފަދަ ފަރާތްތަކަށް ހަމަހަމަކަމާއި އޯގާތެރިކަމާއެކު އެންމެނަށް ޝާމިލުވެވޭނެ އެކަށޭނެ ވަޒީފާގެ މާހައުލެއް ވަނީ ގާއިމްކޮށް ދީފަ އެވެ.
ނުކުޅެދުންތެރިކަން ހުންނަ ފަރާތްތަކަށް އެހީތެރިކަން ފޯރުކޮށް ދިނުމުގެ ހެއްކަކީ އެ ކުންފުނީގައި މިހާތަނަށް 46 މުވައްޒަފުން މަސައްކަތް ކުރަމުން ދިއުމެވެ.
ކޮމެންޓް
Republic of Maldives