ސޯޝަލް މީޑިއާގައި ކުއްޖަކަށް ބުލީކުރާ މައްސަލައެއް ބަލަނީ
ހާއްސަކޮށް ފޭކް އައިޑީއެއް ހަދައިގެން ޓިކްޓޮކްގައި ކުއްޖާއަށް ދަނީ ބުލީ ކުރަމުންނެވެ. އެ އެކައުންޓުގައި، ކުއްޖާގެ ސިފައަށް މަލާމާތްކޮށް ވަރަށް ހަޑިހުތުރު ބަހުން ޕޯސްޓްތައް ކޮށްފައި ހުރެ އެވެ.
ސޯޝަލް މީޑިއާގައި ކުއްޖާގެ ފޮޓޯ ވެސް ބޭނުންކޮށްގެން ބުލީ ކުރާތާ މިހާރު ވަރަށް ގިނަ ދުވަސް ވެއްޖެ އެވެ. ހާއްސަކޮށް ފޭކް އައިޑީއެއް ހަދައިގެން ޓިކްޓޮކްގައި ކުއްޖާއަށް ދަނީ ބުލީ ކުރަމުންނެވެ. އެ އެކައުންޓުގައި، ކުއްޖާގެ ސިފައަށް މަލާމާތްކޮށް ވަރަށް ހަޑިހުތުރު ބަހުން ޕޯސްޓްތައް ކޮށްފައި ހުރެ އެވެ.
އެކަމާ ގުޅިގެން ފުލުހުން މިއަދު ބުނީ، ސެންޓްރަލް ޕޮލިސްގައި ހިމެނޭ ރަށެއްގެ ސްކޫލު ދަރިވަރުންތަކެއް، އެހެން ދަރިވަރަކަށް އިންޓަނެޓް މެދުވެރިކޮށް ބުލީ ކުރިކަމަށް ތުހުމަތުކުރެވޭ މައްސަލައެއް ކަމާގުޅުންހުރި އިދާރާތަކާ ގުޅިގެން ތަހުގީގު ކުރަމުންދާ ކަމަށެވެ.
މިކަން ކުރަނީ އެކުއްޖާއާއެކު ކިޔަވާ އެހެން ސްކޫލް ދަރިވަރުންތަކެއް ކަމަށް އަޑުފެތުރިފައި ވަނިކޮށް، އެކަން ކުރަނީ ސްކޫލުގައި އުޅޭ ކުއްޖެއް ނޫން ކަމަށް އެ ސްކޫލް ޕްރިންސިޕަލް ދާދިފަހުން ވަނީ ވިދާޅުވެފަ އެވެ.
ކޮމެންޓް
Republic of Maldives