ކުލި ނުދައްކައިގެން ރިވެލި ބީޗް ކްލަބް ރެސްޓޯރަންޓް ހިންގާ ބިން އަތުލައިފި
އެޗްޑީސީން ނެރުނު ބަޔާނުގައި ބުނީ ރިވެލި ރެސްޓޯރަންޓް ހިންގާ ކުންފުންޏާއެކު ވެފައިވާ އެއްބަސްވުން ބާތިލްކުރީ ކުލި ނުދައްކާ ގިނަ ދުވަސްތަކެއް ވެފައިވާތީ އެވެ،
އެޗްޑީސީ އަށް ދައްކަންޖެހޭ ކުލި ނުދައްކައިގެން ހުޅުމާލޭގެ ރިވެލި ބީޗް ކްލަބް އެންޑް ރެސްޓޯރަންޓް ހިންގާ ބިމުގެ އެއްބަސްވުން ބާތިލްކޮށްފި އެވެ.
އެޗްޑީސީން ނެރުނު ބަޔާނުގައި ބުނެފައިވަނީ ސޮލާރިސް ހޮސްޕިޓަލިޓީ ޕްރައިވެޓް ލިމިޓެޑާއެކު ހަދާފައިވާ ވިޔަފާރީގެ އެއްބަސްވުން މިއަދުން ފެށިގެން ނިމުމަކަށް ގެނެސް އެ ބިން އެޗްޑީސީގެ ބެލުމުގެ ދަށަށް ގެނެސްފައިވާ ކަމަށެވެ.
އެޗްޑީސީން ނެރުނު ބަޔާނުގައި ބުނީ ރިވެލި ރެސްޓޯރަންޓް ހިންގާ ކުންފުންޏާއެކު ވެފައިވާ އެއްބަސްވުން ބާތިލްކުރީ ކުލި ނުދައްކާ ގިނަ ދުވަސްތަކެއް ވެފައިވާތީ، އެ އެެއްބަސްވުމުގެ ދަށުން ދޭންޖެހޭ ހުރިހާ ނޯޓިސްތަކާއި ގިނަ ފުރުސަތުތަކެއް ދީ އެއްބަސްވުމުގެ އިޖުރާއަތުގެ ތެރޭގައި ކަމަށެވެ.
އެ ކުންފުނިން ބުނީ އެފަދަ ނިންމުމެއް ނިންމަނީ އާންމުންނަށް ހިދުމަތް ދޭން ހުޅުމާލޭގައި ގާއިމްކޮށްފައިވާ ވިޔަފާރިތަކަށް ދެވެން އޮތް އެންމެ ފުޅާ ދާއިރާއެއްގައި ފުރުސަތު ދިނުމަށް ފަހުގައި ކަމުގެ ޔަގީންކަން ވެސް އަރުވާ ކަމަށް އެ ކޯޕަރޭޝަނުން ވަނީ ބުނެފަ އެވެ.
އެޗްޑީސީން ބުނެފައިވަނީ އަމާޒަކީ ހުޅުމާލޭގައި ވިޔަފާރި ކުރާ ފަރާތްތަކަށް ވީހާ ވެސް ފަހި ފުރުސަތުތަކެއް ފަހިކޮށްދިނުން ކަމަށެވެ.
ކޮމެންޓް
Republic of Maldives