ވަރަ އެކްސްޕޯގެ ޕްލެޓިނަމް ޕާޓްނަރަކަށް ސަން ސިޔާމް ރިސޯޓް
މި ދިޔަ އަހަރު ބޭއްވި "ވަރައެކްސްޕޯ" ގައި ވެސް 1500 ވަޒީފާގެ ފުރުސަތު ދީފައިވެ އެވެ. މި އަހަރުވެސް ގިނަ އަދަދެއްގެ ވަޒީފާގެ ފުރުސަތު ތަނަވަސްކޮށްދޭނެ އެވެ.
ޒުވާނުންނަށް ވަޒީފާގެ ފުރުސަތު ފަހިކޮށްދީ ހުނަރު ތަރައްޤީކުރުމުގެ މަޤްސަދުގައި ބާއްވާ "ވަރަ އެކްސްޕޯ 2026" ގެ ޕްލެޓިނަމް ޕާޓްނާ އަދި މެއިން ސްޕޮންސަރެއްގެ ގޮތުގައި ސަން ސިޔާމް ރިސޯޓްސް ހަމަޖައްސައިފި އެވެ.
މި އެއްބަސްވުމުގައި ސަން ސިޔާމް ރިސޯރޓްސްގެ ފަރާތުން ސޮއިކުރެއްވީ އެ ކުންފުނީގެ ގްރޫޕް ޑެޕިއުޓީ މެނޭޖިން ޑިރެކްޓަރު ޒުލައިޚާ މަނިކެވެ. އަދި ސަރުކާރުގެ ފަރާތުން ސޮއިކުރެއްވީ މިނިސްޓަރު އޮފް ސްޓޭޓް ފޯ ހޯމްލޭންޑް ސެކިއުރިޓީ ލޭބަ އެންޑް ޓެކްނޮލޮޖީ ޑރ. ޢަބްދުﷲ ނަޒީރެވެ.
އަންނަ ނޮވެންބަރު މަހުގެ 26 އިން 28 އަށް ހުޅުމާލޭ ސެންޓްރަލް ޕާކުގައި ބޭއްވުމަށް ހަމަޖެހިފައިވާ "ވަރަ އެކްސްޕޯ 2026" އަކީ ސަރުކާރުގެ ވުޒާރާތަކާއި އަމިއްލަ ކުންފުނިތައް ގުޅިގެން ކުރިއަށްގެންދާ ވަރަށް މުހިންމު ހަރަކާތެކެވެ. މިއީ ރާއްޖޭގެ ވަޒީފާގެ ބާޒާރުގައި ހުރި ފުރުސަތުތަކާއި، މުހިންމު ހުނަރުތަކުގެ އިތުރުން އުފެއްދުންތެރިކަން ދައްކާލުމަށް ބާއްވާ މިފަދަ އެންމެ ބިޔަ އެކްސްޕޯއެވެ.
މި ދިޔަ އަހަރު ބޭއްވި "ވަރައެކްސްޕޯ" ގައި ވެސް 1500 ވަޒީފާގެ ފުރުސަތު ދީފައިވެ އެވެ. މި އަހަރުވެސް ގިނަ އަދަދެއްގެ ވަޒީފާގެ ފުރުސަތު ތަނަވަސްކޮށްދޭނެ އެވެ.
ކޮމެންޓް
Republic of Maldives