އިންޑިއާގެ ޓްރިވެންޑްރަމުން ދިވެއްސަކު ގެއްލިގެން ހޯދަނީ

އިންޑިއާގެ ޓްރިވެންޑްރަމުން ދިވެއްސަކު ގެއްލިގެން ހޯދަން ފަށައިފި އެވެ.

 ގެއްލިގެން ހޯދަމުންދަނީ ރ.މީދޫ، އަތަމާގެ، އަލީ އިބްރާހިމް (އައްޔަބެ) އެވެ. އޭނާ ހޯދުމަށް އާންމުންގެ އެހީތެރިކަމަށް އެދި އާއިލާއިން ވަނީ ސޯޝަލް މީޑިއާގައި ޕޯސްޓުކޮށްފަ އެވެ. 

އޭނާގެ ފިރިހެން ދަރިޔަކު ސޯޝަލް މީޑިއާގައި ހިއްސާކުރި ޕޯސްޓެއްގައި ބުނެފައި ވަނީ އަލީ އިބްރާހިމް ގެއްލިގެން ހޯދަމުންދަނީ ރޭ ފަތިހު 5:30 ފެށިގެން ކަމަށެވެ. އަދި އެންމެ ފަހުން ފެނުނުއިރު ލައިގެން ހުރީ ދަނބުކުލައިގެ ޓީޝާޓަކާއި މަޑު ނޫކުލައިގެ މުންޑެއް ކަމަށް ވެސް އެ ޕޯސްޓުގައިވެ އެވެ.

އަލީ އިބްރާހިމްއާ ބެހޭ އެއްވެސް މައުލޫމާތު އެނގޭނަމަ 9129561 ނަންބަރަށް ވައިބާއިން ނުވަތަ ވަޓްސްއެޕުން ގުޅުމަށް އާއިލާއިން ވަނީ އެދިފަ އެވެ.