އިސްލާމްއާބާދުގެ ޔުނިވާސިޓީއަކުން ރައީސަށް އޮނަރަރީ ޑޮކްޓަރޭޓެއް އަރުވައިފި
މި ޝަރަފު ރައީސަށް އެރުވާފައި ވަނީ ސިޔާސީ އަދި ހާރިޖީ ދާއިރާއިން އެމަނިކުފާނު ކޮށްދެއްވާފައިވާ ހިދުމަތްތަކުގެ އަގުވަޒަންކުރުމުގެ ގޮތުންނެވެ.
ޕާކިސްތާނުގެ އިންޓަނޭޝަނަލް އިސްލާމިކް ޔުނިވާސިޓީ އޮފް އިސްލާމްއާބާދުގެ ފަރާތުން ރައީސް ޑރ. މުހައްމަދު މުއިއްޒަށް އޮނަރަރީ ޑޮކްޓަރޭޓެއް އަރުވައިފި އެވެ.
ރައީސް މުއިއްޒަށް މި ޝަރަފު އަރުވާފައިވަނީ، ޕާކިސްތާނުގެ ބޮޑުވަޒީރު މުހައްމަދު ޝެހްބާޒު ޝަރީފްގެ ދައުވަތަކަށް އެ ގައުމަށް ކުރައްވަމުން ގެންދަވާ ދަތުރުފުޅުގެ ތެރެއިން މިއަދު ބޮޑުވަޒީރުގެ ގެކޮޅުގައި އޮތް ހާއްސަ ރަސްމިއްޔާތެއްގަ އެވެ.
މި ޝަރަފު ރައީސަށް އެރުވާފައި ވަނީ ސިޔާސީ އަދި ހާރިޖީ ދާއިރާއިން އެމަނިކުފާނު ކޮށްދެއްވާފައިވާ ހިދުމަތްތަކުގެ އަގުވަޒަންކުރުމުގެ ގޮތުންނެވެ.
އެ ޔުނިވާސިޓީން ބުނެފައި ވަނީ މި ޝަރަފު އެރުވުމުގެ މައިގަނޑު މަގުސަދަކީ އެމަނިކުފާނު ރާއްޖޭގެ ކުރިއެރުމަށް ކުރައްވާފައިވާ ހިދުމަތްތަކުގެ އިތުރުން އިސްލާމްދީނުގެ ހައްގުގައި ކުރައްވަމުން ގެންދަވާ މަސައްކަތްޕުޅުގެ އަގުވަޒަންކުރުމުގެ ގޮތުން ކަމަށެވެ.
އިއްޔެ އިން ފެށިގެން މާދަމާގެ ނިޔަލަށް ރައީސް މުއިއްޒު ޕާކިސްތާނަށް ކުރައްވާ މި ދަތުރުފުޅުގައި އެމަނިކުފާނަށް ރަސްމީކޮށް މަރުހަބާ ދަންނަވާފައި ވަނީ މިއަދު ހެނދުނު އެވެ. އަދި މިއަދު އޮތް ރަސްމިއްޔާތެއްގައި، ދެ ގައުމުގެ ދެމެދުގައި 20 އެއްބަސްވުމެއްގައި ވަނީ ސޮއިކޮށްފަ އެވެ.
ކޮމެންޓް
Republic of Maldives