ޕާކިސްތާނާއެކު ރާއްޖޭން 20 އެއްބަސްވުމެއްގައި ސޮއިކޮށްފި
ބަދަލުކުރި އެއްބަސްވުންތަކުގެ ތެރޭގައި، ދެގައުމުން ގުޅިގެން މަސައްކަތް ކުރުމަށް ނިންމާފައިވާ ދާއިރާތަކާއި އަދި މިހާރު ގުޅުން އޮންނަ ދާއިރާތަކުން އިތުރަށް ގުޅުން ބަދަހިކުރުމުގެ އެއްބަސްވުންތައް ހިމެނެ އެވެ.
ރައީސް ޑރ. މުހައްމަދު މުއިއްޒު ޕާކިސްތާނަށް މިހާރު ކުރައްވަމުން ގެންދަވާ ފުރަމާނަ ދަތުރުފުޅުގެ ތެރެއިން، އެކި ދާއިރާތަކުން 20 އެއްބަސްވުމެއްގައި މިއަދު ސޮއިކޮށްފި އެވެ.
ޕާކިސްތާނުގެ ބޮޑުވަޒީރުގެ ރަސްމީގެކޮޅުގައި ބޭއްވި ހާއްސަ ރަސްމިއްޔާތުގައި ބަދަލުކުރި އެއްބަސްވުންތަކުގެ ތެރޭގައި، ދެގައުމުން ގުޅިގެން މަސައްކަތް ކުރުމަށް ނިންމާފައިވާ ދާއިރާތަކާއި އަދި މިހާރު ގުޅުން އޮންނަ ދާއިރާތަކުން އިތުރަށް ގުޅުން ބަދަހިކުރުމުގެ އެއްބަސްވުންތައް ހިމެނެ އެވެ.
ރާއްޖެ-ޕާކިސްތާނާ ދެމެދު ވެވުނު އެއްބަސްވުންތައް
- ދެގައުމުގެ ދެމެދު ވައިގެ ދަތުރުތައް ފުޅާ ކުރުން
- ޓްރެފިކިން އާއި މަސްތުވާތަކެތި ނައްތާލުމަށް ގުޅިގެން މަސައްކަތް ކުރުން
- ޒުވާނުން ބާރުވެރިކުރުވުމާއި ކުޅިވަރުގެ ދާއިރާއިން ގުޅުން ބަދަހިކުރުން
- ދިފާއީ ދާއިރާއިން ގުޅުން ބަދަހިކުރުން
- އިންފޮމޭޝަން ޓެކްނޮލޮޖީ، ސައިބާސެކިއުރިޓީ، އާޓިފިޝަލް އިންޓެލިޖެންސް، ޑިޖިޓަލް ސްކިލްސް އަދި އީޖާދާއި އުފެއްދުންތެރިކަމުގެ ދާއިރާއިން ގުޅުން ބަދަހިކުރުން
- ޓޫރިޒަމްގެ ދާއިރާއިން ގުޅުން ބަދަހިކުރުން
- މެރިޓައިމް ސެކިއުރިޓީ ދާއިރާއިން ގުޅުން ބަދަހިކުރުން
- މަސްވެރިކަމުގެ ދާއިރާއިން ގުޅުން ބަދަހިކުރުން
- ސަގާފަތާއި ތަރިކަ އަދި ފަންނާބެހޭ ދާއިރާއިން ގުޅުން ބަދަހިކުރުން
- ތިމާވެށީގެ ދާއިރާއިން ގުޅުން ބަދަހިކުރުން
- ދަނޑުވެރިކަމުގެ ދާއިރާއިން ގުޅުން ބަދަހިކުރުން
- އިޖުތިމާއީ ރައްކާތެރިކަން ކަށަވަރުކުރުމަށް ގުޅިގެން މަސައްކަތް ކުރުން
މީގެ އިތުރުން ވެސް ރާއްޖެއަށް ޕާކިސްތާނުގެ ސިއްހީ ހިދުމަތްތެރިން ގެނައުމާ ގުޅޭ އެއްބަސްވުމެއްގައި ވެސް ވަނީ ސޮއިކޮށްފަ އެވެ.
މި އެއްބަސްވުންތަކާ ގުޅޭ ތަފްސީލުތައް މިހާތަނަށް ހާމަކޮށްފައެއް ނުވެ އެވެ.
ކޮމެންޓް
Republic of Maldives