ހުއްދަ ނެތި ބޭންކިންގެ ހިދުމަތް ދިން މައްސަލައެއްގައި ބަލައިފާސްކޮށްފި
ފުލުހުން ބުނީ މި އޮޕަރޭޝަންގައި ހަތަރު ބިދޭސީއަކާއި ދިވެއްސެއްގެ އިތުރުން، ފިހާރައެއް އަދި ބިދޭސީއަކު ދިރިއުޅޭ ތަނެއް ބަލައިފާސްކޮށްފައިވާ ކަމަށެވެ.
ހުއްދަ ނެތި ބޭންކިންގެ ހިދުމަތްދީ، ބޭރު ފައިސާ ގަނެވިއްކުމުގެ މައްސަލައަކާ ގުޅިގެން ހިންގި އޮޕަރޭޝަނެއްގައި ބައެއް ތަންތަން ފުލުހުން ބަލައިފާސްކޮށްފި އެވެ.
ފުލުހުންގެ އިކޮނޮމިކް ކްރައިމް އިންވެސްޓިގޭޝަންގެ ކޮމްޕްލެކްސް ފައިނޭންޝަލް އިންވެސްޓިގޭޝަނުން ތަހުގީގު ކުރަމުންދާ މައްސަލައަކާ ގުޅިގެން، ޓާސްކް ފޯސް ބައިވެރިވެގެން އިއްޔެ ވަނީ ބަލައި ފާސްކުރުމުގެ ހާއްސަ އޮޕަރޭޝަނެއް ކުރިއަށް ގެންގޮސްފަ އެވެ.
ފުލުހުން ބުނީ މި އޮޕަރޭޝަންގައި ހަތަރު ބިދޭސީއަކާއި ދިވެއްސެއްގެ އިތުރުން، ފިހާރައެއް އަދި ބިދޭސީއަކު ދިރިއުޅޭ ތަނެއް ބަލައިފާސްކޮށްފައިވާ ކަމަށެވެ.
މި މައްސަލަ ތަހުގީގު ކުރަމުންދާއިރު، މައްސަލައިގައި މީހަކު ހައްޔަރުކޮށްފައިވާކަން ފުލުހުން ހާމަކޮށްފައެއް ނުވެ އެވެ.
ކޮމެންޓް
Republic of Maldives