ބަޖެޓަށް ފައިސާ ހޯދަން 941.09 މިލިއަން ރުފިޔާގެ ޓީބިލް ވިއްކަން ހުޅުވާލައިފި
މިފަހަރު ވިއްކަން ހުޅުވާލާފައިވާ އެންމެ ބޮޑު ޓީބިލްގެ އަދަދަކީ 28 ދުވަހުން އަދާކުރަން ޖެހޭ 285 މިލިއަން ރުފިޔާގެ ޓީބިލް އެކެވެ. މި ޓީބިލްގެ އިންޓަރެސްޓް ރޭޓް ހުރީ 3.50% ގަ އެވެ.
ބަޖެޓަށް ފައިސާ ހޯދަން 941.09 މިލިއަން ދިވެހި ރުފިޔާގެ ޓްރެޝަރީ ބިލް (ޓީ-ބިލް) ގަތުމުގެ ފުރުސަތު އިންވެސްޓަރުންނަށް ހުޅުވާލައިފިއެވެ.
މިނިސްޓްރީ އޮފް ފައިނޭންސް އެންޑް ޕަބްލިކް އެންޓަޕްރައިޒަސް އިން މިފަހަރު ހުޅުވާލާފައިވާ އަދަދަކީ ވިއްކުމަށް ހުޅުވާލާފައިވާ 4 ކެޓަގަރީގެ ޓީ-ބިލްތަކުގެ އަދަދުތަކުންނެވެ.
މި ފަހަރު ވިއްކުމަށް ހަމަޖެހިފައިވަނީ ޖުމްލަ 4 ކެޓަގަރީއެއްގެ ޓީ-ބިލެވެ. މި ޓީ-ބިލްތައް ވިއްކުމަށް ހަމަޖެހިފައިވާ ތާރީޚަކީ 4 އޮކްޓޯބަރ 2026 އެވެ. އަދި ފައިސާ ދައްކަންޖެހޭ (ސެޓްލްމަންޓް) ތާރީޚަކީ މިއަދެެވެ.
ވިއްކުމަށް ހުޅުވާލާފައިވާ ޓީ-ބިލްތަކުގެ ތަފުސީލް
- 28 ދުވަހުގެ ޓީ-ބިލް - 285 މިލިއަން ރުފިޔާ (އިންޓަރެސްޓް ރޭޓް: 3.50%)
- 98 ދުވަހުގެ ޓީ-ބިލް - 180.09 މިލިއަން ރުފިޔާ (އިންޓަރެސްޓް ރޭޓް: 3.87%)
- 182 ދުވަހުގެ ޓީ-ބިލް - 200.5 މިލިއަން ރުފިޔާ (އިންޓަރެސްޓް ރޭޓް: 4.23%)
- 364 ދުވަހުގެ ޓީ-ބިލް = 275.5 މިލިއަން ރުފިޔާ (އިންޓަރެސްޓް ރޭޓް: 4.60%)
ޓީ-ބިލް ގަންނަން ބޭނުންވާ ފަރާތްތަކުން މިނިސްޓްރީގެ 'ސަބްސްކްރިޕްޝަން ފޯމު' މެދުވެރިކޮށް، ސޭލްސް ޑޭޓްގެ ހެނދުނު 8:30 އިން 11:00 އާ ދެމެދު ފޯމު ހުށަހަޅަން ޖެހޭނެކަމަށް އެ މިނިސްޓްރީން ބުނެފައިވެއެވެ.
ކޮމެންޓް
Republic of Maldives