ސެޕްޓެމްބަރު މަހުގެ މިފްކޯ މަސް ރިޕޯޓް | ކިރުވި އަދަދު 13.43 ޕަސެންޓް ދަށް

މި އަހަރުގެ އޮގަސްޓް މަހާ އަޅާބަލާއިރު ސެޕްޓެމްބަރު މަހު ސަރުކާރުގެ މަސް ކުންފުނި މިފްކޯއަށް ކިރުވި މަހުގެ މިންވަރު ވަނީ ގާތްގަނޑަކަށް 13.43 ޕަސެންޓް ދަށް ވެއްޖެ އެވެ. 

މިފްކޯގެމަސް ރިޕޯޓުގައިވާ ގޮތުން އޮގަސްޓް މަހު 1،488.30 ޓަނުގެ މަސް ކިރާފައިވާއިރު، ސެޕްޓެމްބަރު މަހު މި އަދަދު ވަނީ 1،288.42 ޓަނަށް ދަށްވެފައެވެ. އަދި އޮގަސްޓް މަހު މަސްވެރިންނަށް ޖުމްލަ 29،9 މިލިއަން ރުފިޔާ ދޫކޮށްފައިވެ އެވެ. ނަމަވެސް ސެޕްޓެމްބަރ މަހު ދޫކޮށްފައިވަނީ 27،3 މިލިއަން ރުފިޔާއެވެ. މިއީ 8.88 ޕަސެންޓްގެ ދަށްވުމެކެވެ. 

އޮގަސްޓް މަހު 535 ދޯނިން މަސްކިރާފައިވީ ނަމަވެސް، ސެޕްޓެމްބަރު މަހު މަސްކިރާފައިވަނީ 453 ދޯނިންނެވެ. އަދި އޮގަސްޓް މަހު 1464.0 ޓަނުގެ ކަނޑުމަސް (29،4 މިކިއަން ރުފިޔާ) ކިރާފައިވާއިރު، ސެޕްޓެމްބަރު މަހު ކިރާފައިވަނީ 1،284.1 ޓަނުގެ ކަނޑުމަހެވެ (27،2 ރުފިޔާ) ގެ މަހެވެ. އަދި ކަންނެލި (10 ކިލޯއިން މަތި) ގެ  އޮގަސްޓް މަހު 13.3 ޓަނުގެ ކަންނެލި ކިރާފައިވެއެވެ. ނަމަވެސް ސެޕްޓެމްބަރު މަހު ކިރާފައިވަނީ އެންމެ 0.5 ޓަނުގެ ކަންނެއްޔެވެ.

މިފްކޯއިން ބުނި ގޮތުގައި ކަންނެލި 1.5 ކިލޯއިން ދަށުގެ އޮގަސްޓް މަހު މި ގިންތިން 10.9 ޓަނުގެ މަހަށް (247،280.00ރ،) ދޫކޮށްފައިވެ އެވެ. އަދި ސެޕްޓެމްބަރު މަހު ކިރާފައިވަނީ 3.8 ޓަނެވެ. އެއީ (95،825.00 ރުފިޔާ) ގެ މަހެވެ.