ޓެކްސް ބޮޑުކަމުން ލަންކާގަ ކުރި މުޒާހަރާއިން ހަ މީހުން ހައްޔަރުކޮށްފި
މިއީ ސަރުކާރުގެ ޓެކްސް ސިޔާސަތުތަކާއި، ތަކެތީގެ އަގުބޮޑުވެ ދިރިއުޅުމުގެ ޚަރަދުތައް އިންތިހާއަށް އުފުލެމުންދާތީ އެކަމާ ދެކޮޅަށް އަޑުއުފުލުމުގެ ގޮތުން ބޭއްވި މުޒާހަރާއެކެވެ.
ސްރީލަންކާގެ ކޮލަމްބޯގައި ފްރަންޓްލައިން ސޯޝަލިސްޓް ޕާޓީ (އެފްއެސްޕީ) އާއި ޖަނަ އަރަގަލަ ވިޔަޕާރަޔާ ގުޅިގެން ކުރިއަށްގެންދިޔަ މުޒާހަރާއެއްގައި ބައިވެރިވި ހަ މީހަކު ފުލުހުން ހައްޔަރުކޮށްފި އެވެ.
ލަންކާގެ ނޫސްތަކުގައި ފުލުހުންގެ މީޑިއާ ތަރުޖަމާނާ ހަވާލާދީ ބުނެފައިވަނީ، އެ މީހުން ހައްޔަރުކޮށްފައިވަނީ ޤާނޫނާ ޚިލާފަށް އެއްވުމާއި، ހުއްދަ ނުނަގައި އަޑުގަދަކުރާ (ލައުޑްސްޕީކަރު) ބޭނުންކުރުމުގެ ތުހުމަތުގައި ކަމަށެވެ.
މި މުޒާހަރާގެ ބައިވެރިން ހިނގާލުން ފަށާފައިވަނީ ބޮރެއްލާގެ ކޭމްޕްބެލް ޕާކް ކައިރިންނެވެ. އަދި އެ މީހުން ވަނީ ކޮލަމްބޯގެ މަގުތަކުން ގޮސް ފޯޓް ރޭލްވޭ ސްޓޭޝަނާ ހަމައަށް މި ހިނގާލުން ކުރިއަށް ގެންގޮސްފަ އެވެ.
މިއީ ސަރުކާރުގެ ޓެކްސް ސިޔާސަތުތަކާއި، ތަކެތީގެ އަގުބޮޑުވެ ދިރިއުޅުމުގެ ޚަރަދުތައް އިންތިހާއަށް އުފުލެމުންދާތީ އެކަމާ ދެކޮޅަށް އަޑުއުފުލުމުގެ ގޮތުން ބޭއްވި މުޒާހަރާއެކެވެ. މުޒާހަރާގެ ބައިވެރިން ހިނގަމުންދިޔަ ސަރަޙައްދުތަކުގައި ޓްރެފިކް ތޮއްޖެހުމުގެ މައްސަލަ ހައްލުކުރުމަށް ފުލުހުން ވަނީ ކުރިން ފެށިގެން ފިޔަވަޅުތައް އަޅާފަ އެވެ.
ކޮމެންޓް
Republic of Maldives