ނިވާކަން ކުޑަ ހެދުން އަޅާ ބިދޭސީންނަށް ފިޔަވަޅު އަޅާނެކަމުގެ އިންޒާރު
އޭގެ ސަބަބުން މުޖުތަމައުގެ އަމާންކަމާއި ސުލްހަ މަސަލަސްކަމަށް ނޭދެނޭ އަސަރުކޮށްފާނެ ހާލަތްތައް ކުރިމަތިވުމުގެ ކުރިން އެކަން ހުއްޓުވަކީ ފުލުހުންގެ ޒިންމާއެއް ކަމަށް އެ ހިދުމަތުން ބުނެފައިވެ އެވެ.
އާންމު އިޖުތިމާއީ މިންގަނޑާ ހިލާފަށް، ނިވާކަން ކުޑަކޮށް ހެދުން އަޅައިގެން އާންމު ތަންތަނުގައި އުޅޭ ބިދޭސީންނަށް ފިޔަވަޅު އަޅާނެ ކަމުގެ އިންޒާރު ފުލުހުން ދީފި އެވެ.
ފުލުހުން މިއަދު ނެރުނު ބަޔާނެއްގައި ބުނީ، ދިވެހި މުޖުތަމައުގެ އަހުލާގީ އަދި އާންމު އިޖުތިމާއީ މިންގަނޑުތައް ހިފެހެއްޓުމަކީ ރާއްޖޭގައި ދިރިއުޅޭ ހުރިހާ ފަރާތްތަކުން އަދާކުރަން ޖެހޭ އާންމު މަސްއޫލިއްޔަތެއް ކަމަށެވެ.
ފުލުހުން ބުނީ މިހާރަކަށް އައިސް ރާއްޖޭގައި ދިރިއުޅޭ ބައެއް ބިދޭސީން ނިވާކަން ކުޑަ ހެދުން އަޅައިގެން މަގުމަތީގައި އަދި އެނޫން އާންމު ތަންތަނުގައި އުޅޭކަން ފާހަގަކުރެވިފައިވާ ކަމަށެވެ. އަދި ބައެއް ބިދޭސީންގެ މިފަދަ އަމަލުތަކަކީ މުޖުތަމައުގެ އާންމު ސުލޫކީ އަދި އަހުލާގީ މިންގަނޑުތަކާ ހިލާފު އަމަލުތަކެއް ކަމަށެވެ.
އޭގެ ސަބަބުން މުޖުތަމައުގެ އަމާންކަމާއި ސުލްހަ މަސަލަސްކަމަށް ނޭދެނޭ އަސަރުކޮށްފާނެ ހާލަތްތައް ކުރިމަތިވުމުގެ ކުރިން އެކަން ހުއްޓުވަކީ ފުލުހުންގެ ޒިންމާއެއް ކަމަށް އެ ހިދުމަތުން ބުނެފައިވެ އެވެ.
ފުލުހުން ބުނެފައި ވަނީ ރާއްޖޭގައި ދިރިއުޅޭ ފަރާތްތަކުގެ އިތުރުން ރާއްޖެއަށް ޒިޔާރަތްކުރާ ފަތުރުވެރިންނަށް ހާއްސަކޮށް ކަނޑައަޅާފައިވާ ސަރަހައްދުތައް ފިޔަވައި، އެނޫން އާންމު ތަންތަނާއި މަގުތަކުގައި ފަތުރުވެރިން އުޅޭ އުޅުމުގައި މުޖުތަމައުގެ އާންމު މިންގަނޑާ އެއްގޮތަށް ހެދުން އެޅުމަށް އެފަދަ ފަރާތްތަކަށް ހިދުމަތްދޭ ފަރާތްތަކަށް އިލްތިމާސްކުރާ ކަމަށެވެ.
އަދި މިއާ ހިލާފަށް އަމަލުކުރާ ފަރާތްތަކާމެދު ގާނޫނީ ފިޔަވަޅު އަޅަމުންދާނެ ކަމަށް ފުލުހުން ބުންޏެވެ.
ކޮމެންޓް
Republic of Maldives