މަޖިލީހުގެ ޖަލްސާތައް އަންނަ ހޯމަ ދުވަހު ފަށަނީ
ރަސްމާލެ ވޯޓަފްރަންޓް އެންޑް މެރީނާ މަޝްރޫއު ހިންގަން ގާނޫނަށް ގެންނަން ޖެހޭ ބަދަލުތައް ގެންނަން ސަރުކާރުން އަންނަނީ ތައްޔާރުވަމުންނެވެ.
މަޖިލިސް އިދާރާ އިން ބުނީ ތިން ވަނަ ދުވަހުގެ ފުރަތަމަ ޖަލްސާ އަންނަ ހޯމަ ދުވަހު ހެނދުނު 9:00 ގައި ފަށާނެ ކަމަށެވެ.
އެ ޖަލްސާ އަށް އެޖެންޑާ ކޮށްފައި އޮތީ ތިން މަސައްކަތެކެވެ.
އެގޮތުން "މައްކަތުލް މުކައްރަމަ ކޮންވެންޝަން އޮފް ދަ މެންބަރ ސްޓޭޓް ސްޓޭޓަސް އޮފް ދަ އޯގަނައިޒޭޝަން އޮފް އިސްލާމިކް ކޯޕަރޭޝަން އޮން އެންޓި ކޮރަޕްޝަން ލޯ އެން ފޯސްމަންޓް ކޯޕަރޭޝަން" ގައި ރާއްޖެއިން ބައިވެރިވެ އެ މުއާހަދާ އަށް އަމަލު ކުރުމަށް މަޖިލީހުގެ ރުހުން ހޯދުމާއި ކޮމިޝަނާ ޖެނަރަލް އޮފް ޓެކްސޭޝަނަށް ބޭފުޅަކު އައްޔަން ކުރުމާއި ކުށްކޮށްގެން ހޯދާ މުދަލާ ގުޅޭ ބިލަށް ބަހުސް ކުރުމަށެވެ.
މަޖިލީހުގެ ތިން ވަނަ ޖަލްސާ ފަށާއިރު ރަސްމާލޭގައި ކުރިޔަށް ގެންދަން ނިންމާފައިވާ 20 ބިލިއަން ޑޮލަރުގެ ވޯޓަ ފްރަންޓް އެންޑް މެރީނާ މަޝްރޫއު އާ ގުޅިގެން ގާނޫނުތަކަށް ގެންނަން ޖެހޭ ބަދަލުތައް ވަރަށް އަވަހަށް ހުށަހަޅަން ސަރުކާރުން އަންނަނީ ތައްޔާރުވަމުންނެވެ.
ކޮމެންޓް
Republic of Maldives