އެމްއޭސީއެލް ބޯޑުން ދެ މެންބަރަކު ވަކިކޮށްފި
ދެ މެންބަރަކު ވަކި ކުރި ސަބަބެއް ހާމައެއް ނުކުރެ އެވެ.
މޯލްޑިވްސް އެއާޕޯޓްސް ކޮމްޕެނީގެ ޑިރެކްޓަރުންގެ ބޯޑުން ދެ މެންބަރަކު ވަކި ކުރަން އެ ކުންފުނިން ނިންމައިފި އެވެ.
ދައުލަތުގެ ކުންފުނިތަކުގެ ބެލެނިވެރި ފަރާތް، ޕީސީބީން ބުނި ގޮތުގައި އެމްއޭސީއެލް ޑިރެކްޓަރުންގެ ބޯޑުގެ އެގްޒެކްޓިވް ޑިރެކްޓާ ހ. ފިނޮޅު، މުހައްމަދު މިހާދާއި ބޯޑް މެންބަރު މ. ވެލާލުގެ، ސަހަރު ވަހީދު ވަނީ މިއަދުން ފެށިގެން ވަކި ކޮށްފައިވާ ކަމަށެވެ.
ދެ މެންބަރު ވަކި ކުރި ސަބަބެއް ޕީސީބީން ނުބުނެ އެވެ. އެކަމާ ގުޅޭ ގޮތުން އެމްއޭސީއެލް އިން ވެސް ވަކި އެއްޗެއް ހާމައެއް ނުކުރެ އެވެ.
މިހާދަކީ 2024 ވަނަ އަހަރުން ފެށިގެން އެމްއޭސީއެލްގެ ޗީފް ކޮމާޝަލް އޮފިސަރެވެ. އަދި ސަހަރުއަކީ ބީއެމްއެލްގެ ޑެޕިއުޓީ ސީއީއޯ ސީއޯއޯ އެވެ. އޭނާއަކީ މި ފަހުން ސަރުކާރުން އުފެއްދި އައްޑޫ ހަންކެޑެ ޑިވެލޮޕްމަންޓް ކޯޕަރޭޝަން ގެ ބޯޑު މެންބަރެއް ވެސް މެ އެވެ.
ކޮމެންޓް
Republic of Maldives