ޑޮލަރުގެ މައްސަލަ ހައްލު ނުވެ، އަގު ދަނީ މައްޗަށް: ނަޝީދު
އެމެރިކާ ޑޮލަރު މައްސަލަ ހައްލު ކުރަން ސަރުކާރުން ފިޔަވަޅުތައް އަޅައި ރިސޯޓުތަކާއި 25 މިލިއަން ޑޮލަރަށް ވުރެ ބޮޑު އާމްދަނީއެއް ލިބޭ ވިޔަފާރިތަކުން ޑޮލަރު މާރު ކުރަންޖެހޭ މިންވަރު ވަނީ އާމްދަނީގެ 40 ޕަސެންޓަށް ޖައްސާފަ އެވެ.
ޑޮލަރު ލިބުމުގެ ދައްޗަށް ހައްލެއް ނާންނަ ކަމަށާއި ޑޮލަރު ވިއްކާ ރޭޓް ދަނީ އުފުލެމުން ކަމަށް ކުރީގެ ރައީސް އަދި އިދިކޮޅު އެމްޑީޕީގެ ޗެއާޕާސަން މުހައްމަދު ނަޝީދު ވިދާޅުވެއްޖެ އެވެ.
އެކްސް ޕްލެޓްފޯމް މެދުވެރިކޮށް ރައީސް ނަޝީދު މިއަދު ވިދާޅުވީ ޑޮލަރު ލިބުމުގައި ހުރި ދައްޗާއެކު ޓީޓީތައް ނުހެދި އަމިއްލަ ވިޔަފާރިތަކަށް ބޭނުންވާ މުދާ އެތެރެ ނުކުރެވިގެން އުޅޭ ކަމަށެވެ. އެ މަނިކުފާނު ލިޔުއްވާފައިވެ އެވެ: "... ޑޮލަރުގެ ދަތި ކަމަށް ކުޑަވެސް ހައްލެއް ނާދޭ! އަގު ދަނީ މައްޗަށް. އަމިއްލަ ވިޔަފާރިތަކަށް ޓީޓީ ނުހެދި، ތަކެތި އިމްޕޯޓު ނުކުރެވިފައި،"
ކުރީގެ ރައީސް ވިދާޅުވީ، ރިސޯޓުތަކަށް ލިބޭ ބޭރު ފައިސާގެ އާމްދަނީގެ 40 ޕަސެންޓު މާރު ކުރަން މަޖުބޫރު ކުރުމާއި ބޭރުގެ ޓުއާ އޮޕަރޭޓާސް އަތުން ޓެކްސް ނަގަން ނިންމުމުން 160 މިލިއަން ޑޮލަރު ލިބޭނެ ކަމަށް ސަރުކާރުން އަންދާޒާ ކުރި ނަމަވެސް އެކަން ނުވެ، ހުރިހާ ދައްޗަކާ ކުރިމަތިވެފައި ވަނީ ރައްޔިތުންނާ ކަމަށެވެ.
ޑޮލަރު މައްސަލަ ހައްލު ކުރަން ސަރުކާރުން ފިޔަވަޅުތައް އަޅައި ރިސޯޓުތަކާއި 25 މިލިއަން ޑޮލަރަށް ވުރެ ބޮޑު އާމްދަނީއެއް ލިބޭ ވިޔަފާރިތަކުން ޑޮލަރު މާރުކުރަންޖެހޭ މިންވަރު ވަނީ އާމްދަނީގެ 40 ޕަސެންޓަށް ޖައްސާފަ އެވެ.
ކޮމެންޓް
Republic of Maldives