އެސްޓީއޯ އިން "އަމުލް" ގެ ބްރޭންޑްގެ އުފެއްދުންތައް ރާއްޖެއަށް
މިއަދުން ފެށިގެން އަމުލް ގެ އުފެއްދުންތަކުގެ ތެރޭގައި ހިމެނޭ ކިރާ ބަޓަރާއި ޗީޒް އަދި އައިސްކްރީމްގެ އެކި ބާވަތްތައް އެސްޓީއޯ ޕީޕަލްސްޗޮއިސް އިން ލިބެން ހުންނާނެ އެވެ.
މިހާރު ކުރިއަށް ދާ ހޮޓެލް އޭޝިއާ އެގްޒިބިޝަންގައި އެސްޓީއޯ ގެ ސްޓޯލްގައި "އަމުލް" ބްރޭންޑްގެ ޕްރޮޑަކްޓްތައް އެސްޓީއޯ ޖެނެރަލް ޓްރޭޑިން އިން ތައާރަފްކޮށްފި އެވެ.
އެސްޓީއޯގެ ސްޓޯލްގައި މިއަދު އޮތް ހާއްސަ ހަފްލާގައި ޕްރޮޑަކްޓް ތައާރަފު ކޮށްދެއްވީ އެސްޓީއޯގެ އެކްސްކޯ މެންބަރުންނެވެ.
މިއަދުން ފެށިގެން އަމުލް ގެ އުފެއްދުންތަކުގެ ތެރޭގައި ހިމެނޭ ކިރާ ބަޓަރާއި ޗީޒް އަދި އައިސްކްރީމްގެ އެކި ބާވަތްތައް އެސްޓީއޯ ޕީޕަލްސްޗޮއިސް އިން ލިބެން ހުންނާނެ އެވެ. އަދި އެސްޓީއޯގެ ސްޓޯލްގައި މިއަދު އަމުލް ގެ ޕްރޮޑަކްޓްތައް ބޭނުންކޮށްގެން ތައްޔާރުކުރެވޭ ފޮނިކާތަކެތި އަދި އައިސްކްރީމްވެސް ލިބެން ހުންނާނެ އެވެ.
އަމުލްއަކީ އިންޑިޔާގެ ކިރުގެ އުފެއްދުންތަކަށް ހާއްސަ ބޮޑު ބްރޭންޑެކެވެ. މި ނަމުގެ އަސްލު މާނައަކީ އާނަންދު މިލްކް ޔޫނިއަން ލިމިޓެޓް އެވެ. އަދި ބްރޭންޑް މުޅިދުނިޔޭގައިވެސް މަޝްހޫރުވެފައިވަނީ ދަ ޓޭސްޓް އޮފް އިންޑިޔާގެ ގޮތުގައެވެ.
ކޮފީ ސްޓޭޓްގެ ހޮވާލެވޭ ބުއިންތަކާއެކު އެސްޓީއޯ ސްޓޯލަށް ޒިޔާރަތް ކުރައްވާ ފަރާތްތަކަށް ހާއްސަކޮށްގެން ޕޮރޮމޯޝަނަލް ހަރަކާތްތަކުގެ ގޮތުގައި ރެޖިސްޓަރ އެންޑް ވިން ގެ ނަމުގައި ހަރަކާތެއް ކުރިއަށްދާނެއެވެ. މި ހަރަކާތް ކުރިއަށްދާނީ އެސްޓީއޯ ސްޓޯލްގައި ރަޖިސްޓްރީކުރައްވާ ފަރާތްތަކުގައި މެދުގައެވެ. ކޮންމެ ދުވަހަކުވެސް މި ފަރާތްތަކުގެ ތެރެއިން ނަސީބުވެރި އެއްފަރާތް ގުރުއަތުން ހޮވާ އިނާމުދޭނެއެވެ. އަދި ފޮލޯއެންޑް ވިން ހަރަކާތުގައި އެސްޓީއޯ ޕީޕަލްސް ޗޮއިސް ޕޭޖް ފޮލޯކުރައްވައިގެން ނަސީބުވެރި ފަރާތަކަށް ޑިޝްވޮޝަރ އެއްލިބުމުގެ ފުރުސަތު ފަހިވެގެންދާނެއެވެ.
ކޮމެންޓް
Republic of Maldives