ސްލޮވޭނިއާ އޭވިއޭޝަން ކުންފުންޏަށް ޕައިލެޓުން ތަމްރީން ކުރަން ހުއްދަ
އޭޓީއޯގެ ހުއްދައިގެ އިތުރުން، ސްލޮވޭނިއާގެ މާރިބޯގައި ހުންނަ އޭސީސީގެ ފްލައިޓް ސިމިއުލޭޝަން ޓްރެއިނިން ޑިވައިސް ބޭނުންކުރުމުގެ ސެޓްފިކެޓް ވެސް އެމްސީއޭއޭ އިން ވަނީ ދޫކޮށްފަ އެވެ.
އައިލެންޑް އޭވިއޭޝަނާއި ދިވެހިރާއްޖޭގެ ޤައުމީ ޔުނިވަރސިޓީ ގުޅިގެން ހިންގާ އައްޑޫ ޕައިލެޓް ސްކޫލް މެނޭޖުކޮށް ބަލަހައްޓާ ސްލޮވޭނިއާގެ އޭވިއޭޝަން ކެރިއަ ސެންޓާ (އޭސީސީ) އަށް މޯލްޑިވްސް ސިވިލް އޭވިއޭޝަން އޮތޯރިޓީ (އެމްސީއޭއޭ) ގެ އެޕްރޫވްޑް ޓްރެއިނިން އޯގަނައިޒޭޝަން (އޭ.ޓީ.އޯ 017) ގެ ދަރަޖަ ދީފި އެވެ.މި ހުއްދައަކީ އޭ.ސީ.ސީގެ ބައިނަލްއަޤްވާމީ ތަރައްޤީގައި ލިބުނު ވަރަށް މުހިންމު ކުރިއެރުމެކެވެ.
މި ހުއްދައިގެ ދަށުން އެމްސީއޭއޭ އިން ފާސްކޮށްފައިވާ ޕައިލެޓް ޓްރެއިނިންގ ޕްރޮގްރާމްތައް ހިންގުމުގެ އިޚްތިޔާރު އެ ސެންޓަރަށް ލިބިގެންދާނެއެވެ.
ހުއްދަ ދިން ދާއިރާތައް
- ޕްރައިވެޓް ޕައިލެޓް ޓްރެއިނިންގ
- އިންޓަގްރޭޓެޑް އަދި މޮޑިއުލަރ ކޮމާޝަލް އަދި އެއަރލައިން ޓްރާންސްޕޯޓް ޕައިލެޓް ޓްރެއިނިންގ
- އިންސްޓްރޫމަންޓް ރޭޓިންގްސް އަދި ނައިޓް ރޭޓިންގްސް
- މަލްޓި-އިންޖިން ޕިސްޓަން ކްލާސް ރޭޓިންގްސް
- މަލްޓި-ކްރޫ ކޯޕަރޭޝަން (އެމް.ސީ.ސީ)
- ފްލައިޓް، ކްލާސް ރޭޓިންގ އަދި އިންސްޓްރޫމަންޓް ރޭޓިންގ އިންސްޓްރަކްޓަރ ކޯސްތައް
އޭޓީއޯގެ ހުއްދައިގެ އިތުރުން، ސްލޮވޭނިއާގެ މާރިބޯގައި ހުންނަ އޭސީސީގެ ފްލައިޓް ސިމިއުލޭޝަން ޓްރެއިނިން ޑިވައިސް ބޭނުންކުރުމުގެ ސެޓްފިކެޓް ވެސް އެމްސީއޭއޭ އިން ވަނީ ދޫކޮށްފަ އެވެ.
"އެއަރޯޕްލޭން އެފް.އެން.ޕީ.ޓީ ލެވެލް 2" ގެ ފެންވަރަށް ގިންތިކުރެވިފައިވާ މި ސިމިއުލޭޓަރަކީ އާންމު މަލްޓި-އިންޖިން ޕިސްޓަން ބޯޓުތަކުގެ ސިފަތައް އެކުލެވޭ، އަދި ހުއްދަދެވިފައިވާ ކޯސްތަކުގައި ބޭނުންކުރުމަށް ފާސްކޮށްފައިވާ ޑިވައިސްއެކެވެ.
މިކަމާ ގުޅިގެން އެމއޭއޭގެ ފްލައިޓް އޮޕަރޭޝަންސް އިންސްޕެކްޓަރ ޢަބްދުﷲ ބާޤިރު ވަނީ އޭސީސީގެ ޓީމަށް މަރުޙަބާ ވިދާޅުވެފައެވެ. އަދި މި ޕްރޮސެސްގެ ހުރިހާ މަރުޙަލާއެއްގައި ވެސް އެ ސެންޓަރުގެ މުވައްޒަފުން ދެއްކި ޕްރޮފެޝަނަލިޒަމް އާއި ފުރިހަމަ އެއްބާރުލުން ފާހަގަކުރައްވައި އޭނާ ވަނީ ތައުރީފުކުރައްވާފަ އެވެ.
މި ހުއްދައާއެކު އޭސީސީ ވެގެން ގޮސްފައިވަނީ ދިވެހިރާއްޖޭގެ ސިވިލް އޭވިއޭޝަންގެ އޮނިގަނޑުގެ ދަށުން ޕައިލެޓްކަން ކިޔަވަން ބޭނުންވާ ފަރާތްތަކަށް ސްލޮވޭނިއާގައި ތަމްރީނުވުމުގެ ފުރުޞަތު ފަހިކޮށްދޭ، އެމްސީއޭއޭ އިން އެޕްރޫވްކޮށްފައިވާ މަރުކަޒަކަށެވެ. މިއީ އެ މަރުކަޒަށް ލިބުނު ވަރަށް ބޮޑު ކާމިޔާބީއެއްގެ ގޮތުގައި ފާހަގަކޮށް، އޭސީސީން ވަނީ މި ޕްރޮސެސްގައި އެމްސީއޭއޭ އިން ދިން އެއްބާރުލުމަށާއ އެ ސެންޓަރުގެ އިންސްޓްރަކްޓަރުންނާއި މެނޭޖްމަންޓް އަދި ސަޕޯޓް ސްޓާފުން ކުރި މަސައްކަތަށް ޝުކުރު އަދާކޮށްފަ އެވެ.
ކޮމެންޓް
Republic of Maldives