ކެމިކަލް ވިއްކުމުގެ ހުއްދަ ނެގުމަށް އިތުރު މަސް ދުވަހުގެ ފުރުސަތެއް
ރާއްޖޭގައި ނުރައްކާތެރި ކެމިކަލް ވިއްކާ ފަރާތްތަކުން، އެތަކެތި ވިއްކުމަށްޓަކައި ހުއްދަ ނެގުމަށާއި އެ ކެމިކަލްތައް ސްޓޯ ކުރާ ތަންތަން މަކުޑި ޕޯޓަލްގައި ރަޖިސްޓްރީ ކުރުމަށް މިނިސްޓްރީން ފުރަތަމަ ހުޅުވައިލި މުއްދަތު ވަނީ ހަމަވެފަ އެވެ.
"ކެމިކަލް ވިއްކުމުގެ ހުއްދަ" ނެގުމަށް ދިން މުއްދަތު އިތުރު އެއް މަސް ދުވަހަށް އިތުރުކޮށް، އޭގެ ފަހުގައި ހުއްދަ ނުނަގައި ކެމިކަލް އެތެރެކޮށް ނުވިއްކޭނެ ކަމަށް ޑިފެންސް މިނިސްޓްރީން ބުނެފި އެވެ.
ރާއްޖޭގައި ނުރައްކާތެރި ކެމިކަލް ވިއްކާ ފަރާތްތަކުން، އެތަކެތި ވިއްކުމަށްޓަކައި ހުއްދަ ނެގުމަށާއި އެ ކެމިކަލްތައް ސްޓޯ ކުރާ ނުވަތަ ބަހައްޓާ ތަންތަން މަކުޑި ޕޯޓަލްގައި ރަޖިސްޓްރީ ކުރުމަށް މިނިސްޓްރީން ފުރަތަމަ ހުޅުވައިލި މުއްދަތު ވަނީ ހަމަވެފަ އެވެ.
ޑިފެންސް މިނިސްޓްރީން މިއަދު ކުރި އިއުލާނެއްގައި ބުނީ އެ މުއްދަތުގެ ތެރޭގައި ކެމިކަލް ވިއްކާ ފިހާރަތައް ރަޖިސްޓްރީކުރުމާއެކު ހުއްދަ ހޯދުމަށް އެދިފައިވާ ފަރާތްތަކުގެ އަދަދު ނިސްބަތުން މަދު ކަމަށް ފާހަގަކުރެވިފައިވާ ކަމަށެވެ. އެހެންކަމުން އެ މުއްދަތު އިތުރު އެއް މަސް ދުވަހަށް އިތުރުކޮށްދީފައިވާ ކަމަށެވެ.
އެހެންކަމުން މިހާރު ދީފައިވާ އެއް މަސް ދުވަހުގެ ތެރޭގައި ރަޖިސްޓަރީ ނުކޮށް ކެމިކަލް ވިއްކަމުންގެންދާ ފަރާތްތަކާއިމެދު ނުރައްކާތެރި ކެމިކަލާއިބެހޭ ގަވާއިފުދުގެ ދަށުން ފިޔަވަޅު އަޅައި، އެފަރާތްތަކަށް ނުރައްކާތެރި ކެމިކަލް ރާއްޖެ އެތެރެކުރުމުގެ ހުއްދަ އިތުރަށް ދެވެން ނޯންނާނެ ކަމަށް މިނިސްޓްރީން ވަނީ ބުނެފަ އެވެ.
ކޮމެންޓް
Republic of Maldives