ބްރިޖުން ހިނގާފައި ހުޅުލެއާއި ހުޅުމާލެއަށް ދާ މީހުންނަށް ފިޔަވަޅު އަޅަނީ
"މިއީ ހުއްދަކުރެވިފައިވާ ކަމަކަށް ނުވާއިރު، މިގޮތަށް އަމަލުކުރުމުގެ ސަބަބުން ހިތާމަވެރި ހާދިސާއެއް ހިނގުމަކީ އެކަށީގެންވާ ކަމެއް،" ފުލުހުން ބުންޏެވެ.
ސިނަމާލެ ބްރިޖު މަތިން ހިނގާފައި ހުޅުލެ އާއި ހުޅުމާލެއަށްދާ ފަރާތްތަކަށް ފިޔަވަޅު އަޅަމުންދާނެ ކަމުގެ އިންޒާރު ފުލުހުން ދީފި އެވެ.
ފުލުހުން މިއަދު ބުނީ ބްރިޖު ހުޅުވުނު ދުވަހުން ފެށިގެން، ބްރިޖު ހުރަސްކޮށް ހިނގާފައި ނުވަތަ ދުވެފައި އެއާޕޯޓަށާއި ހުޅުމާލެއަށް ދިއުމަކީ މަނާކަމެއް ކަމަށެވެ.
ނަމަވެސް، ބްރިޖުގެ އެއާޕޯޓާ ވީކޮޅުގެ ވޯކްވޭ ބަންދުކުރުމަށްޓަކައި ބަހައްޓާފައިވާ ބެރިކޭޑުތައް ހުރަސްކޮށް ބައެއް ފަރާތްތަކުން ހިނގާފައި ދާކަން ފާހަގަކުރެއްވިފައިވާ ކަމަށް ފުލުހުން ބުންޏެވެ.
"މިއީ ހުއްދަކުރެވިފައިވާ ކަމަކަށް ނުވާއިރު، މިގޮތަށް އަމަލުކުރުމުގެ ސަބަބުން ހިތާމަވެރި ހާދިސާއެއް ހިނގުމަކީ އެކަށީގެންވާ ކަމެއް،" ފުލުހުން ބުންޏެވެ.
އެހެންކަމުން، އާންމުންގެ ސަލާމަތާއި ރައްކާތެރިކަން ކަށަވަރުކުރުމަށްޓަކައި، އެ ސަރަހައްދުގައި "ހިނގާބިނގާވެ އުޅުން މަނާކަން އަންގައިދޭ ނިޝާން" ހަރުކުރެވިފައިވާކަން ފުލުހުން ފާހަގަކުރި އެވެ.
"މި ބޯޑުތަކާއި ނިޝާންތައް ހުރަސްކޮށްދާ ފަރާތްތަކާމެދު ގަވާއިދުގެ ތެރެއިން ފިޔަވަޅު އަޅަމުން ގެންދާނެވާހަކަ ދަންނަވަން،" ފުލުހުން ބުންޏެވެ.
ކޮމެންޓް
Republic of Maldives