ޑްރަގް ދިރުވާލައިގެން އެތެރެކުރަން އުޅުނު ދެ ބިދޭސީއެއް ހައްޔަރުކޮށްފި
އެ މައްސަލާގައި ހައްޔަރު ކޮށްފައި ވަނީ ނޭޕާލްގެ 47 އަހަރުގެ ފިރިހެނަކާއި 40 އަހަރުގެ އަންހެނެކެވެ.
މަސްތުވާތަކެތި ހުރި ޕެކެޓުތަކެއް ދިރުވާލައިގެން ރާއްޖެ އަށް އެތެރެކުރަން އުޅުނު ކަމުގެ ތުހުމަތުގައި ދެ ބިދޭސީއަކު ހައްޔަރު ކޮށްފި އެވެ.
އެ މައްސަލާގައި ފުލުހުން ހައްޔަރު ކޮށްފައި ވަނީ ނޭޕާލްގެ 47 އަހަރުގެ ފިރިހެނަކާއި 40 އަހަރުގެ އަންހެނެކެވެ.
ކްރިމިނަލް ކޯޓުން އިއްޔެ ކޮށްފައިވާ ބަންދު އަމުރުގައި ބުނެފައި ވަނީ އެ ދެ މީހުންގެ ހަށިގަނޑުން ވެސް ގިނަ އަދަދެއްގެ މަސްތުވާތަކެތި ފެނިފައިވާ ކަމަށް ފުލުހުން ބުނާ ކަމަށެވެ. ނަމަވެސް އެއީ ކިހާ ބަރުދަނެއްގެ މަސްތުވާތަކެއްޗެއް ކަމެއް އެ އަމުރުގައި ނެތެވެ.
އެ މައްސަލައިގެ އަޑުއެހުން އިއްޔެ ކުރިޔަށް ދިޔަ އިރު އެ ދެ މީހުންނަށް ފަރުވާދެމުންދާތީ އަޑުއެހުން ކުރިޔަށް ގެންދިޔައީ އެ މީހުންގެ ޣައިރު ހާޒިރުގަ އެވެ.
ކްރިމިނަލް ކޯޓުން ދެ މީހުންގެ ބަންދަށް ތިން ދުވަސް ޖެހުމަށް ފަހު ދެ މީހުންގެ ސިއްހީ ހާލަތު ރަނގަޅުވުމުން ކޯޓަށް ހާޒިރު ކުރުމަށް އެނގި އެވެ.
ކޮމެންޓް
Republic of Maldives