ތަކުރާރުކޮށް މިސްކިތްތަކަށް ގެއްލުންދޭ މީހަކު ޝަރީއަތް ނިމެންދެން ބަންދު
ނައުޝާދުގެ މައްޗަށް ނެރުނު ކޯޓު އަމުރުގައި ވަނީ އޭނާއަކީ ތަކުރާރުކޮށް އެފަދަ ކުށް ކުރާ މީހެއްކަން ހައްޔަރާއި ބަންދު ލޮގަށް ބެލުމުން އެނގޭ ކަމަށެވެ. އަދި އޭނާއަކީ އިތުރު ބާވަތްތަކުގެ ކުށުގެ ރެކޯޑު އޮންނަ މީހެއް ކަމަށް ވެސް އަމުރުގައިވެ އެވެ.
ތަކުރާރުކޮށް މިސްކިތްތަކަށް ގެއްލުންދޭ މީހަކު ޝަރީއަތް ނިމެންދެން ބަންދުކުރަން ކްރިމިނަލް ކޯޓުން އަމުރުކޮށްފި އެވެ.
މިސްކިތްތަކަށް ގެއްލުންދޭ މައްސަލައިގައި ފުލުހުން ހައްޔަރުކޮށްފައި ވަނީ ގ. މާލެހިޔާ، ނައުޝާދު މޫސާ 32، އެވެ.
އޭނާގެ ބަންދާމެދު ގޮތެއް ނިންމުމަށް އިއްޔެ ކޯޓަށް ހާޒިރުކުރުމުން، އޭނާއާ ދެކޮޅަށް ހުރި ހެކިތަކަށް ރިއާޔަތްކޮށް، ޝަރީއަތް ނިމެންދެން ބަންދުކުރުމަށް ވަނީ އަމުރުކޮށްފަ އެވެ.
ނައުޝާދުގެ މައްޗަށް ނެރުނު ކޯޓު އަމުރުގައި ވަނީ އޭނާއަކީ ތަކުރާރުކޮށް އެފަދަ ކުށް ކުރާ މީހެއްކަން ހައްޔަރާއި ބަންދު ލޮގަށް ބެލުމުން އެނގޭ ކަމަށެވެ. އަދި އޭނާއަކީ އިތުރު ބާވަތްތަކުގެ ކުށުގެ ރެކޯޑު އޮންނަ މީހެއް ކަމަށް ވެސް އަމުރުގައިވެ އެވެ.
"ބަންދުން ދޫކޮށްލައިފިނަމަ މީނާގެ ފަރާތުން މިކުށް ތަކުރާރުކޮށްފާނެ ކަމަށް ބުރަވެވޭ،" ކޯޓު އަމުރުގައިވެ އެވެ.
ނައުޝާދު މީގެ ކުރިން ފުރުގާނު މިސްކިތަށް ގެއްލުން ދީގެން ވެސް ހައްޔަރުކޮށްފައިވެ އެވެ. އެގޮތުން އެ މިސްކިތުގެ އިސްކުރުތައް ބިންދައި މުސްހަފްތައް މުޅި ތަނަށް އުކާލާފައިވެ އެވެ. އެ ނޫން ވެސް މިސްކިތުގެ ހުރުމަތް ކެނޑޭފަދަ އަމަލުތައް ހިންގާފައިވެ އެވެ.
ކޮމެންޓް
Republic of Maldives