ފޯބްސް ޖޯޖިއާ އިން އަދީބުގެ އާޓިކަލް ނަގައިފި

ދުނިޔޭގެ އެންމެ މަޝްހޫރު އެއް މަޖައްލާ ކަމަށްވާ ފޯބްސްގެ ޖޯޖިއާ މަޖައްލާގައި ޖެހި ރާއްޖޭގެ ކުރީގެ ނައިބް ރައީސް އަހުމަދު އަދީބުގެ އާޓިކަލް އެ ނޫހުން ނަގައިފި އެވެ. 

ފޯބްސް މަޖައްލާގައި ކުރީގެ ޓޫރިޒަމް މިނިސްޓަރު އަދި ރާއްޖޭގެ ތާރީހުގައި ހިންގި އެންމެ ބޮޑު ހިޔާނާތުގެ މައްސަލަ ކަމަށްވާ އެމްއެމްޕީއާރުސީގެ ކޮރަޕްޝަންގެ މައްސަލައިގެ އެއް މޭސިރިއާގެ އާޓިކަލް ޕަބްލިޝް ކުރީ މިމަހުގެ އެއްވަނަ ދުވަހު އެވެ. ނަމަވެސް މިހާރު އެ އާޓިކަލްގެ ލިންކްއަކަށް ނުވެދެވެ އެވެ.

އާޓިކަލް ނެގުމާއެކު ފޯބްސް އިން ބުނެފައިވާ ގޮތުގައި އެ އާޓިކަލް ރިމޫވް ކޮށްފައިވަނީ އާޓިކަލް ޕަބްލިޝްކުރުމާއި މައުލޫމާތު ހޯދާފައިވާ ގޮތުގެ އިތުރުން އަދިވެސް އެ ނޫހުގެ އެޑިޓޯރިއަލް އަދި ކޮމާޝަލް ކޮންޓެންޓްގެ މިންގަނޑުތަކަށް ފެތޭ ތޯ ބެލުމަށްޓަކައި އުފެދިފައިވާ ސުވާލު ތަކެއް ރިވިއުކުރަމުންދާތީ އެވެ.

ފޯބްސް އަކީ ވިޔަފާރިއާއި އިންވެސްޓްމަންޓާއި ޓެކްނޮލޮޖީ ވިޔަފާރިވެރިކަން އަދި މާލީ ދާއިރާއަށް ޚާއްސަކޮށްގެން އެމެރިކާގައި ނެރޭ ދުނިޔޭގެ އެންމެ މަޝްހޫރު އެއް މަޖައްލާއެވެ. 1917 ވަނަ އަހަރު ބީސީ ފޯބްސް އުފެއްދި މި މަޖައްލާ އެންމެ ބޮޑަށް މަޝްހޫރުވެފައިވަނީ އެމީހުން ނެރޭ ތަފާތު ރޭންކިން ލިސްޓުތަކުގެ ސަބަބުންނެވެ. އޭގެ ތެރޭގައި ދުނިޔޭގެ އެންމެ މުއްސަނދިންގެ ލިސްޓު ދުނިޔޭގެ އެންމެ ނުފޫޒުގަދަ މީހުންގެ ލިސްޓު، އަދި ޒުވާން ކާމިޔާބު ވިޔަފާރިވެރިން ފާހަގަކުރާ "30 އަންޑަ 30" ހިމެނެއެވެ.