ޕީއެންސީގެ އާ ލީޑާޝިޕުން މަގާމުގެ ހުވާ ކޮށްފި
އެ 10 މެންބަރުންގެ ތެރޭގައި ހިމެނެނީ ސަރުކާރުގައި ތިއްބެވި މިނިސްޓަރު ފެންވަރުގެ ހަތް ބޭފުޅުންނާއި ތިން ކުންފުންޏެއްގެ ވެރިންގެ ގޮތުގައި ތިއްބެވި ތިން ބޭފުޅުންނެވެ.
މަގާމުތަކަށް ހޮވުނު ބޭފުޅުން ހުވާ ކޮށްފައި ވަނީ ޕީއެންސީގެ މަތީ މަޖިލީހުގެ މިއަދުގެ ޖަލްސާގަ އެވެ.
ރައީސް ޑރ. މުޙައްމަދު މުއިއްޒު ޝަރަފުވެރި ކޮށްދެއްވި ކޮންގްރެސްގެ އެ ޖަލްސާގައި ހުވާކުރެއްވި ބޭފުޅުންގެ ތެރޭގައި، ޕާޓީގެ ޗެއާޕާސަން އަދި މަޖިލީހުގެ ރައީސް އަބްދުއްރަހީމް އަބްދުﷲ، ޕީޖީ ލީޑަރު އިބްރާހީމް ފަލާހާއި ނައިބު ރައީސް ހުސައިން މުހައްމަދު ލަތީފް ހިމެނިވަޑައިގަންނަވަ އެވެ.
އޭގެ އިތުރުން ޕީއެންސީގެ ނައިބު ރައީސުންނާއި މަތީ މަޖިލީހަށް އިންތިހާބުވި އަންހެން އަދި ޒުވާނުންގެ ކޮމެޓީގެ މެންބަރުން ވަނީ ހުވާ ކުރައްވާފަ އެވެ. އަދި ރައީސް މުއިއްޒަށް ލިބިވަޑައިގަންނަވާ ބާރުގެ ދަށުން މި ސަރުކާރުގެ އިސް މަގާމުތަކުގައި ތިއްބެވި 10 ބޭފުޅަކު ޕާޓީގެ ލީޑަޝިޕަށް ވަނީ އައްޔަނު ކޮށްފަ އެވެ.
އެ 10 މެންބަރުންގެ ތެރޭގައި ހިމެނެނީ ސަރުކާރުގައި ތިއްބެވި މިނިސްޓަރު ފެންވަރުގެ ހަތް ބޭފުޅުންނާއި ތިން ކުންފުންޏެއްގެ ވެރިންގެ ގޮތުގައި ތިއްބެވި ތިން ބޭފުޅުންނެވެ.
- 1.ރައީސް އޮފީހުގެ ޗީފް އޮފް ސްޓާފް އަބްދުﷲ ފަޔާޒު
- 2.ރައީސް އޮފީހުގެ މިނިސްޓަރު އަބްދުﷲ ނާސިރު
- 3.ރައީސް މިނިސްޓަރު މުހައްމަދު ތޮލާލު
- 4.ޓޫރިޒަމް މިނިސްޓަރު މުހައްމަދު އަމީން
- 5.ހެލްތު މިނިސްޓަރު ގީީލާ އަލީ
- 6.ހައުސިން މިނިސްޓަރު ޑރ. އަބްދުﷲ މުއްތަލިބު
- 7.ގަތަރުގައި ހުންނަވާ ދިވެހިސަފީރު އާދަމް ޝަރީފް އުމަރު
- 8.އެޗުޑީސީގެ މެނޭޖިން ޑިރެކްޓަރު އަލީ ޒުހައިރު
- 9.އެފްޑީސީގެ މެނޭޖިން ޑިރެކްޓަރު ހަމްދާން ޝަކީލް
- 10.މާލެ ގްރޫޕް އޮފް ހޮސްޕިޓަލްގެ ސީއީއޯ އަބްދުލް ރައްޒާގް ހަލީމް
ކޮމެންޓް
Republic of Maldives