ސައުދާ އާއި ރާފިއު ހިމެނޭހެން ޕީއެންސީގެ 6 ނައިބު ރައީސުން ހޮވައިފި
ނައިބު ރައީސުން އިންތިހާބު ކުރުމަށް މިއަދު ނެގި ވޯޓުގައި އެ ޕާޓީގެ 1095 މެންބަރުން ބައިވެރިވި އެވެ.
ސޯޝަލް ސެންޓަރުގައި މިހާރު ކުރިޔަށްދާ ޕީއެންސީގެ ކޮންގްރެސްގައި މިއަދު އެ ޕާޓީގެ 1105 މެންބަރުން ބައިވެރިވި އެވެ. އަދި އެ ވޯޓުގައި 1095 މެންބަރުން ބައިވެރިވި އެވެ.
އެގޮތުން ޕީއެންސީގެ ނައިބު ރައީސްގެ މަގާމަށް ކުރިމަތިލި އަށް މެންބަރުންގެ ތެރެއިން އެންމެ ގިނަ ވޯޓު ލިބިވަޑައިގަތީ ޔޫތު އެންޑް ސްޕޯޓްސް މިނިސްޓަރު އަބްދުﷲ ރާފިއު އަށެވެ. އޭނާ އަށް ލިބިވަޑައިގަތީ 968 ވޯޓެވެ. ދެވަނަ އަށް އެންމެ ގިނަ ވޯޓު ލިބިވަޑައިގެންނެވީ ފިޝަރީޒް މިނިސްޓަރު އަހުމަދު ޝިޔާމަށެވެ. އެއީ 964 ވޯޓެވެ.
ވޯޓުގެ ނަތީޖާ
- ޔޫތު މިނިސްޓަރު އަބްދުﷲ ރާފިއު - 968
- ފިޝަރީޒް މިނިސްޓަރު އަހުމަދު ޝިޔާމް - 964
- ނިލަންދޫ ދާއިރާގެ މެންބަރު ފާތިމަތު ސައުދާ - 923
- ބާރަށު ދާއިރާގެ މެންބަރު އިބްރާހިމް ޝުޖާއު - 862
- އިކޮނޮމިކް މިނިސްޓަރު މުހައްމަދު ސައީދު - 833
- ޗީފް ސްޕޯކްސްޕާސަން މުހައްމަދު ޝަރީފް - 780
ޝިޔާމް އާއި ޝޫޖާއު އާއި ސައީދު އަދި މުންދު އަކީ މީގެ ކުރިން ވެސް އެ ޕާޓީގެ ނައިބު ރައީސުންނެވެ.
ނައިބު ރައީސްގެ މަގާމަށް މިފަހަރު ކުރިމަތިލެއްވި ނަމަވެސް އިންތިހާބުގައި ނާކާމިޔާބުވީ ދެ މެންބަރެކެވެ. އެއީ މާފަންނު މެދު ދާއިރާގެ މެންބަރު އަސްމާ ރަޝީދާއި އެލްޖީއޭގެ ރައީސް މުހައްމަދު ނިމާލެވެ.
ކޮމެންޓް
Republic of Maldives