އެމްޕީއެލް އިން 42،000 އަށްވުރެ ގިނަ ފްރައިޓް ޓަނުގެ މުދާ ނެރެފި

މޯލްޑިވްސް ޕޯޓްސް ލިމިޓެޑް (އެމްޕީއެލް) ގެކާގޯ ކްލިއަރެންސް އަދި ބޯޓު ފަހަރަށް ހިދުމަތް ދިނުމުގެ މަސައްކަތުގެ ދަށުން މިދިޔަ ހަފުތާ 42،000 އަށްވުރެ ގިނަ ފްރައިޓް ޓަނުގެ މުދާ ނެރެދީފި އެވެ. 

އެމްޕީއެލްގެ ތަފާސް ހިސާބުތައް ދައްކާ ގޮތުން ނިމިދިޔަ ހަފުތާ ތެރޭގައި ތިން ކޮންޓެއިނާ ބޯޓު އައިސްފައިވާއިރު އަދި ހަތަރު ކޮންޓެއިނާ ބޯޓެއް ވަނީ މުދާ ބޭލުމަށްފަހު ފުރާފައިވެއެވެ. މީގެ އިތުރުން ހަ ޖެނެރަލް ކާގޯ ބޯޓު މުދަލާއި ރާއްޖެ އައިސްފައިވާއިރު، ހަތަރު ޖެނެރަލް ކާގޯ ބޯޓު ވަނީ ފުރުވާލާފަ އެވެ. 

އެމްޕީއެލްއިން މިދިޔަ ހަފުތާ ޖުމްލަ 40,944.48 ފްރައިޓް ޓަނު (އެފް.ޓީ) ގެ މުދާ ކްލިއަރކޮށްފަ އެވެ. އަދި ޖެނެރަލް ކާގޯ ބޯޓުފަހަރުން 2,034.13 ފްރައިޓް ޓަނުގެ މުދާ ވަނީ ކްލިއަރކޮށްފަ އެވެ.

އެމްޕީއެލްގެ މިހާރުގެ ކެޕޭސިޓީން އެންމެ ފުރިހަމަ ހިދުމަތް ދޭން މަސައްކަތް ކުރާއިރު، އެ ކުންފުނިން ދަނީ ތިލަފުއްޓަށް ޕޯޓު ބަދަލު ކުރުމުގެ ބޮޑު މަޝްރޫއެއްވެސް ފަށާފަ އެވެ.