ޓީޓީ ވެރިފިކޭޝަން ފުރިހަމަ ކުރަން ބޭންކްތަކާއެކު ކަސްޓަމުން ސޮޔެއް

ރާއްޖެއަށް މުދާ އެތެރެ ކުރަން ހަދާ ޓީޓީތައް ވެރިފައި ކުރަން ރާއްޖޭގައި ހިންގާ ހުރިހާ ބޭންކުތަކާއި އެމްއޯޔޫއެއްގައި މިއަދު ސޮއިކޮށްފި އެވެ.

މޯލްޑިވްސް ކަސްޓަމްސް ސާވިސަސްއާ ދެމެދު ޓެލެގްރެފިކް ޓްރާންސްފާ (ޓީޓީ) ވެރިފިކޭޝަން އެމްއޯޔޫއެއްގައި ސޮއިކުރީ އެމްއެމްއޭގައި ބޭއްވި ރަސްމިއްޔާތެއްގައި މި އެމްއޯޔޫގައި ސޮއިކުރީ މިއަދު އެވެ.

މި އެއްބަސްވުމުގެ ދަށުން، ރާއްޖެއަށް އިމްޕޯޓުކުރާ މުދަލާއި ރާއްޖެއިން އެކްސްޕޯޓުކުރާ މުދަލާގުޅޭގޮތުން، ބޭންކުތައް މެދުވެރިކޮށް ހިންގާ ވިޔަފާރި ޓްރާންސެކްޝަންތަކުގެ މައުލޫމާތު ބޭންކުތަކާއި މޯލްޑިވްސް ކަސްޓަމްސް ސާވިސްއާ ދެމެދު ބަދަލުކުރާނެ ސިސްޓަމެއް ގާއިމުކުރެވިގެންދާނެ އެވެ.

މި މަސައްކަތުގެ މައިގަނޑު މަގްސަދަކީ މުދާ އެތެރެކުރުމަށް ޓީޓީ މެދުވެރިކޮށް ކުރާ ފައިސާގެ މުޢާމަލާތްތަކާއި އަދި އެތެރެކުރެވޭ މުދަލުގެ މަޢުލޫމާތު ދިމާވޭތޯ ބެލުމުގެ ނިޒާމު ހަރުދަނާކޮށް ވިޔަފާރިއާ ގުޅުންހުރި މާލީ މުޢާމަލާތްތަކުގެ ސައްހަކަން ކަށަވަރުކުރުމެވެ.

މި ފަހުމުނާމާގައި މޯލްޑިވްސް ކަސްޓަމްސް ސާވިސްގެ ފަރާތުން ސޮއިކުރެއްވީ ކޮމިޝަނަރު ޖެނެރަލް އޮފް ކަސްޓަމްސް ފާތިމަތު ދިޔާނާއެވެ. އަދި ބޭންކުތަކުގެ ފަރާތުން ސޮއިކުރެއްވީ އެ ބޭންކުތަކުގެ ސީ.އީ.އޯ އިންނާއި މެނޭޖިންގ ޑައިރެކްޓަރުންނެވެ.
މި މަސައްކަތް ވިލަރެސްކުރާނީ އެމްއެމްއޭގެ ފައިނޭންޝަލް އިންޓެލިޖެންސް ޔުނިޓް (އެފްއައިޔޫ) އިންނެވެ.