ދޮޅު މަސް ފަހުން އެކްސިޑެންޓަށްފަހު ފިލި ދޯނި ފެނިއްޖެ
ފުލުހުން އިތުރަށް ބުނީ އެ އުޅަނދު ބަލައި ފާސްކޮށް، ތަހުގީގަށް ބޭނުންވާ މައުލޫމާތު އެއްކޮށްފައިވާ ކަމަށެވެ. އަދި ކަށަވަރު ކުރަންޖެހޭ ކަންކަން ކަށަވަރު ކުރުމަށްފަހު ދޯނީގެ ކެޕްޓަންގެ ލައިސަންސް ހިފަހައްޓާފައިވާ ކަމަށްވެސް ބުންޏެވެ.
މިދިޔަ ޖުލައި ނުވަވަނަ ދުވަހުގެ ރޭ ކަނޑުމަތީގައި ލޯންޗަކާއި ދޯންޏެއް ޖެހި ހިނގި އެކްސިޑެންޓަށްފަހު ފިލި އުޅަނދު ހުޅުމާލޭ ފަޅުގައި އަޅާފައި އޮއްވައި ފުލުހުން ހޯދައިފި އެވެ.
އިއްޒުއްދީން ފާލަމާ ދިމާ ބޭރުން ހިނގި މި އެކްސިޑެންޓްގައި "ލީޖަން 1" ނަމަކަށް ކިޔާ ލޯންޗަކަށް ވަނީ ބޮޑެތި ގެއްލުންތަކެއް ވެފަ އެވެ. އެކްސިޑެންޓަށްފަހު އެ ލޯންޗު އިއްޒުއްދީން ފާލަމަށް ގާތްކުރި ނަމަވެސް ދޯނި ވަނީ މަޑުނުކޮށް ފިލައިގެން ގޮސްފަ އެވެ.
ފުލުހުން މިއަދު ބުނީ ފިލައިގެން ދިޔަ ދޯނި ހޯދުމުގެ މަސައްކަތުގެ ތެރެއިން، މިދިޔަ ހޮނިހިރު ދުވަހުގެ ހަވީރު 17:52 އެހައިކަންހާއިރު ހުޅުމާލެ ފަޅުގައި އަޅާފައި އޮއްވާ ފެނިފައިވާ ކަމަށެވެ.
ފުލުހުން އިތުރަށް ބުނީ އެ އުޅަނދު ބަލައި ފާސްކޮށް، ތަހުގީގަށް ބޭނުންވާ މައުލޫމާތު އެއްކޮށްފައިވާ ކަމަށެވެ. އަދި ކަށަވަރު ކުރަންޖެހޭ ކަންކަން ކަށަވަރު ކުރުމަށްފަހު ދޯނީގެ ކެޕްޓަންގެ ލައިސަންސް ހިފަހައްޓާފައިވާ ކަމަށްވެސް ބުންޏެވެ.
މި އެކްސިޑެންޓް ހިނގިއިރު ލޯންޗުގައި ފަސް މީހުން ތިއްބެވެ. އެއީ ހަތަރު ބިދޭސީ ފިރިހެނުންނާއި ދިވެހި ފިރިހެނެކެވެ. އެމީހުންނަށް ސީރިއަސް އަނިޔާއެއް ނުލިބުނު ނަމަވެސް އެކިވަރުގެ އަނިޔާ ލިބިގެން ހޮސްޕިޓަލަށް ގެންގޮސް ފަރުވާ ދީފައިވެ އެވެ.
ކޮމެންޓް
Republic of Maldives