ޝަރަފުވެރިކަމުގެ ގައުމީ އިނާމު 3 ބޭފުޅަކާއި ޖަމިއްޔާއަކަށް އަރުވައިފި
މިއަދު ބޭއްވި ގައުމީ ދުވަހުގެ ރަސްމީ ޖަލްސާގައި ޝަރަފުވެރިކަމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ރައީސް ޑރ. މުހައްމަދު މުއިއްޒު ދެއްވީ ޝަރަފުގެ އައްޑަނަ އާއި ޝަރަފުގެ ބެޖާއި ހަނދާނީ ލިޔުމެކެވެ.
ސަރުކާރުން ދެއްވާ ޝަރަފުވެރިކަމުގެ ގައުމީ އިނާމު ތިން ބޭފުޅަކާއި ޖަމިއްޔާއަކަށް މިއަދު އަރުވައިފި އެވެ.
މިއަދު ބޭއްވި ގައުމީ ދުވަހުގެ ރަސްމީ ޖަލްސާގައި ޝަރަފުވެރިކަމުގެ ގައުމީ އިނާމު ލިބިވަޑައިގެންނެވި ބޭފުޅުންނަށް ރައީސް ޑރ. މުހައްމަދު މުއިއްޒު ދެއްވީ ޝަރަފުގެ އައްޑަނަ އާއި ޝަރަފުގެ ބެޖާއި ހަނދާނީ ލިޔުމެކެވެ.
މި ޖަލްސާގައި، ހިތްވަރު ދިނުމުގެ ގައުމީ އިނާމު ހަތް ބޭފުޅަކަށާއި ކުންފުންޏަކަށް ރައީސް ވަނީ ދެއްވާފަ އެވެ. ހިތްވަރު ދިނުމުގެ ގައުމީ އިނާމުގެ ގޮތުގައި ދެއްވީ ހަނދާނީ ފިލައަކާއި، ހަނދާނީ ލިޔުމެކެވެ.
ޝަރަފުވެރިކަމުގެ ގައުމީ އިނާމު ލިބުނު ފަރާތްތައް
- 1.ދިވެހިބަހާއި އަދަބިއްޔާތުގެ ދާއިރާ - ގދ.ފަރެސްމާތޮޑާ، ހުސްނުހީނާގެ، މުހައްމަދު އާމިރު އަހުމަދު
- 2.އިމާރާތް ކުރުމާއި، އިމާރާތް ފަރުމާކުރުމުގެ ދާއިރާ - ވ. ވަސްމީރުފިޔަ، އިބްރާހީމް ރަޝީދު
- 3.ސިއްހީ ދާއިރާ - ސޮސައިޓީ ފޯ ހެލްތް އެޑިޔުކޭޝަން (ޝީ)
- 4.ހަބަރާއި މައުލޫމާތު ފެތުރުމުގެ ދާއިރާ - ގ. ނޫރީފެހި، ނަޖުމާ ހުސައިން
ހިތްވަރު ދިނުމުގެ ގައުމީ އިނާމު ލިބުނު ފަރާތްތައް
- 1.އިސްލާމްދީނަށް ހޭލުންތެރިކަން އިތުރުކުރުވުމާއި، ދީނަށް ހިދުމަތްކުރުމާއި، ދީނީ އިލްމު އުނގަންނައިދިނުމުގެ ދާއިރާ - ގއ. ދާންދޫ، މުޝްތަރީގެ، ހައްވާ ލަތީފް
- 2.ދިވެހިބަހާއި އަދަބިއްޔާތުގެ ދާއިރާ - ހދ. ވައިކަރަދޫ، ދަނބުގެ، މުހައްމަދު ނަސީރު
- 3.ދިވެހި ތާރީހުގެ ދާއިރާ - ހުޅުމާލެ ފްލެޓް ނަންބަރު 125-G-03، ކޮމާންޑް ސާޖަންޓް މޭޖާ އަބްދުﷲ ސައީދު
- 4.ސިއްހީ ދާއިރާ - ހުޅުމާލެ ވިނަރެސް 10A-702، މުހައްމަދު އަހުމަދު
- 5.އިމާރާތްކުރުމާއި، އިމާރާތް ފަރުމާކުރުމުގެ ދާއިރާ - ބައިސަން މޯލްޑިވްސް ޕްރައިވެޓް ލިމިޓެޑް
- 6.މުއާސަލާތާއި، އިންފޮމޭޝަން ޓެކްނޯލޮޖީގެ ދާއިރާ - ހއ. އުލިގަން، ފަހިވާ، އަރުޝަދު އަހުމަދު
- 7.ކުޅިވަރުގެ ދާއިރާ - ހ. ސީޓް، އައިޝަތު ނައުރާ
- 8.ވިޒުއަލް އާޓްސްގެ ދާއިރާ - ހ. އަރިހިޔާ އިސްމާއިލް އަބްދުލްޣަފޫރު
މީގެއިތުރުން މި ޖަލްސާގައި، އަލްމަރްހޫމް އިހުސާން ޢަބްދުލްޣަނީގެ ހަނދާނަށް ހިދުމަތުގެ ގައުމީ އިނާމު ވެސް ވަނީ އަރުވާފަ އެވެ.
ގައުމީ އިނާމަށް ބޭފުޅުން ހޮވާފައި ވަނީ ރައީސުލްޖުމްހޫރިއްޔާ އުފައްދަވާފައިވާ ގައުމީ އިނާމާބެހޭ ކޮމިޓީންނެވެ.
ކޮމެންޓް
Republic of Maldives