އެމްޕީއެލް އިން ރަސްފަންނުގައި އެޅި ފާހާނާ ބަރި ސަރުކާރާ ހަވާލުކޮށްފި
އެމްޕީއެލްގެ ޕްރޮޖެކްޓް ޑިޕާޓްމަންޓްގެ މުވައްޒަފުން ޑިޒައިންކޮށްފައިވާ މި ފާހާނާ ބަރި ހެދުމުގެ އަމަލީ މަސައްކަތް ކޮށްފައިވަނީ އެ ކުންފުނީގެ ފެސިލިޓީ ޑިޕާޓްމަންޓްގެ މުވައްޒަފުންނެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ އިޖުތިމާއީ ޒިންމާގެ ދަށުން މާފަންނު ރަސްފަންނުގައި ހަދާފައިވާ ފާހާނާ ބަރި ނިންމައި، ހައުސިން މިނިސްޓްރީއާ ހަވާލުކޮށްފި އެވެ.
ރަސްފަންނުގައި އިއްޔެ ހަވީރު ބޭއްވި ރަސްމިއްޔާތުގައި އެމްޕީއެލްގެ ފަރާތުން ފާހާނާ ބަރި ރަސްމީކޮށް ހަވާލުކުރެއްވީ އެ ކުންފުނީގެ ޑެޕިއުޓީ ސީއީއޯ މުހައްމަދު މުއީނެވެ. ހައުސިން މިނިސްޓްރީގެ ފަރާތުން އެ ފާހާނާ ބަރިއާ ހަވާލުވެވަޑައިގަތީ ސްޓޭޓް މިނިސްޓަރު އިސްމާއިލް ހަމީދެވެ.
އެމްޕީއެލް އިން ބުނީ މި މަޝްރޫއަކީ ހައުސިން މިނިސްޓްރީގެ އެދުމުގެ މަތިން އެ ކުންފުނީގެ އިޖުތިމާއީ ޒިންމާގެ ދަށުން ކުރިއަށް ގެންދިޔަ މަޝްރޫއެއް ކަމަށެވެ.
އެމްޕީއެލްގެ ޕްރޮޖެކްޓް ޑިޕާޓްމަންޓްގެ މުވައްޒަފުން ޑިޒައިންކޮށްފައިވާ މި ފާހާނާ ބަރި ހެދުމުގެ އަމަލީ މަސައްކަތް ކޮށްފައިވަނީ އެ ކުންފުނީގެ ފެސިލިޓީ ޑިޕާޓްމަންޓްގެ މުވައްޒަފުންނެވެ.
ދެ ފާހާނާ އާއި ފެންވަރާ ތަނެއް ހިމެނޭ ގޮތަށް އެތަން ހަދާފައި ވަނީ ވީލްޗެއާގައި އުޅޭ ހާއްސަ އެހީއަށް ބޭނުންވާ މީހުންނާއި ހުރިހާ އުމުރެއްގެ މީހުންނަށްވެސް ފަސޭހައިން ބޭނުންކުރެވޭ ގޮތަށް ކަމަށްވެސް އެ ކުންފުނިން ބުންޏެވެ.
ކޮމެންޓް
Republic of Maldives