ތަކެތީގެ އަގު ބޮޑުވެއްޖެ ކަމަށް ބުނެ، އެމްޑީޕީން މުޒާހަރާއަށް ނުކުންނަނީ
އެ ޕޯސްޓުގައި ބުނާ ގޮތުން "ދަތިވެއްޖެ" ގެ ނަމުގައި ބާއްވާ އެ މުޒާހަރާ އޮންނާނީ އަންނަ ހަފްތާ ބުދަ ދުވަހު ހަވީރު 4:00 ގައި މާލޭ ސޯޝަލް ސެންޓަރު ކައިރީ އެވެ.
ބާޒާރުގައި މުދަލުގެ އަގު އިންތިހާ އަށް އުފުލިފައިވާ ކަމަށް ބުނެ އެމްޑީޕީން މުޒާހަރާ އަށް ނުކުންނަން ނިންމައިފި އެވެ.
އެމްޑީޕީގެ ޗެއާޕާސަން އަދި ކުރީގެ ރައީސް މުހައްމަދު ނަޝީދު ވަނީ މުޒާހަރާގެ ބެނާއެއް އެކްސްގައި ޕޯސްޓު ކޮށްފަ އެވެ.
އެ ޕޯސްޓުގައި ބުނާ ގޮތުން "ދަތިވެއްޖެ" ގެ ނަމުގައި ބާއްވާ އެ މުޒާހަރާ އޮންނާނީ އަންނަ ހަފްތާ ބުދަ ދުވަހު ހަވީރު 4:00 ގައި މާލޭ ސޯޝަލް ސެންޓަރު ކައިރީ އެވެ.
އޭގެ އިތުރުން ބާޒާރުގައި އަގު އުފުލިފައިވާ ބައެއް މުދަލާއި އެތަކެތީގެ އަގުތައް ވަސް ނަޝީދު ވަނީ އެކްސްގައި ޕޯސްޓު ކޮށްފަ އެވެ. އެގޮތުން؛
- 1.ކުޑަކުދިންގެ ކިރުދަޅު - 575ރ.
- 2.ބާސްމަތީ ހަނޑޫ ކިލޯ - 110ރ.
- 3.އޮލިވް އޮއިލް - 179ރ.
- 4.ނެސްކެފޭ ކޮފީ - 260ރ.
- 5.ރަތްމަސް ކިލޯއެއް - 150ރ.
- 6.ގެރިމަސް ކިލޯޢެއް - 120ރ.
- 7.ކިއުކަމްބާ ކިލޯޢެއް - 105ރ.
- 8.ޑަޗްލޭޑީ ކިރުޕެކެޓެއް - 44ރ.
- 9.ޕެޓްރޯލް ލީޓަރެއް - 16ރ.
- 10.ޑީސެލް ލީޓަރެއް - 17.54ރ.
އެމްޑީޕީން އެންމެ ފަހުން މިފަދަ މުޒާހަރާއެއް ބޭއްވީ "ވަޒީފާ ބުރާސްފަތި" ގެ ނަމުގަ އެވެ. އެއީ ސަރުކާރުގެ ވަޒީފާގައި ތިއްބެވި ބައެއް މުވައްޒަފުން ވަކި ކުރާ ކަމަށް ތުހުމަތު ކޮށް ބޭއްވި މުޒާހަރާ އެކެވެ.
ކޮމެންޓް
Republic of Maldives