ފައިނޭންޝަލް އެކްސްޕޯއަށް 16،000 އަށްވުރެ ގިނަ މީހުން ދިޔަ
މި އަހަރު ފިނަންޝަލް ޓެކްނޮލޮޖީ (ފިންޓެކް) ހިދުމަތްދޭ ފަރާތްތައް ހިމެނޭހެން ޖުމްލަ 38 ފަރާތަކުން ބައިވެރިވި އެވެ.
ނުވަ އަހަރަށްފަހު ބޭއްވި މޯލްޑިވްސް ފައިނޭންޝަލް އެކްސްޕޯއަށް 16،000 އަށްވުރެ ގިނަ މީހުން ޒިޔާރަތްކޮށްފައިވާ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.
ހުޅުމާލެ ސެލްޓަލް ޕާކުގައި ބޭއްވި "މޯލްޑިވްސް ފައިނޭންޝަލް އެކްސްޕޯ 2026" އިންނެވެ.މި މައުރަޒުގައި ބޭންކުތަކާއި އިންޝުއަރެންސް ކުންފުނިތަކާއި މާލީ އިދާރާތަކާއި ސަރުކާރުގެ ވުޒާރާތަކުގެ އިތުރުން ފިނަންޝަލް ޓެކްނޮލޮޖީ (ފިންޓެކް) ހިދުމަތްދޭ ފަރާތްތައް ހިމެނޭހެން ޖުމްލަ 38 ފަރާތަކުން ބައިވެރިވި އެވެ. މި ހަރުގެ އެކްސްޕޯއަށް ދާ ފަރާތްތަަކަށް ގިނަ އިނާމުތަކެއް ވެސް ވަނީ ދީފަ އެވެ. އަދި ގިނަ އިނާމުތަކެއް ހުށަހަޅާފައިވާއިރު ސަޕްލައިޒް އިނާމުގެ ގޮތުގައި ބައި ލައްކަ ރުފިޔާ ލިބޭނެ އެވެ.
މި މައުރަޒުގެ ސަބަބުން މާލީ ދާއިރާގެ ހުރިހާ ފަރާތްތަކެއް އެއް ފުރާޅެއްގެ ދަށުން ބައްދަލުވެ، އާންމުންނަށް ބޭންކުތަކާއި އިންޝުއަރެންސް ކުންފުނިތަކާއި، ރެގިއުލޭޓަރީ އިދާރާތަކާ ސީދާ މުޢާމަލާތްކުރުމުގެ ފުރުސަތު ލިބިގެންދާނެ އެވެ.
ކޮމެންޓް
Republic of Maldives