ވަޔާއި ކަނޑު ގަދަވާނެ ކަމަށް ލަފާކޮށް އުތުރަށް ވައިޓް އެލާޓް

ވަޔާއި ކަނޑު ގަދަވާނެ ކަމަށް ލަފާކޮށް ރާއްޖޭގެ އުތުރަށް ވައިޓް އެލާޓް ނެރެފި އެވެ.

މެޓް އޮފީހުން މިއަދު ހަވީރު 5:00 އާ ހަމައަށް އެލާޓް ނެރެފައި ވަނީ ހއ. އަތޮޅުން ފެށިގެން އދ. އަތޮޅަށެވެ.

އެ އެލާޓުގައި ވަނީ ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހި، ކަނޑުތައް ގަދަވާނެ ކަމަށް ލަފާކުރެވޭ ކަމަށެވެ.

މެޓް އޮފީހުން އާންމުކޮށްފައިވާ ގޮތުގައި، ދެކުނުގެ އަތޮޅުތަކުގައި ރާޅުގެ އުސްމިން ހުންނާނެ ކަމަށް ލަފާކޮށްފައި ވަނީ 1-3 ފޫޓާ ދެމެދުގަ އެވެ. އެހެން ހިސާބުތަކުގައި ރާޅުގެ އުސްމިން ހުންނާނެ ކަމަށް ލަފާކޮށްފައި ވަނީ 3-6 ފުޓާ ދެމެދުގަ އެވެ.