މޯލްޑިވްސް ފައިނޭންޝަލް އެކްސްޕޯ؛ 25000ރ. ގެ ގްރޭންޑް ޕްރައިޒަކާއެކު އަގުހުރި އެތައް އިނާމެއް
މޯލްޑިވްސް ފައިނޭންޝަލް އެކްސްޕޯ ބޭއްވުމަށް ހަމަޖެހިފައި ވަނީ އަންނަ މަހުގެ ދެވަނަ ދުވަހުން ހަތަރުވަނަ ދުވަހުގެ ނިޔަލަށެވެ. އެކްސްޕޯ އޮންނާނީ ހުޅުމާލެ ސެންޓްރަލް ޕާކުގަ އެވެ.
މޯލްޑިވްސް ފައިނޭންޝަލް އެކްސްޕޯއަށް ޒިޔާރަތް ކުރާ ފަރާތްތަކަށް އަގުހުރި އިނާމްތަކެއް ލިބިގެންދާނެ ކަމަށް މޯލްޑިވްސް މަނިޓަރީ އޮތޯރިޓީ (އެމްއެމްއޭ) ހާމަކޮށްފި އެވެ.
މޯލްޑިވްސް ފައިނޭންޝަލް އެކްސްޕޯ ބޭއްވުމަށް ހަމަޖެހިފައި ވަނީ އަންނަ މަހުގެ ދެވަނަ ދުވަހުން ހަތަރުވަނަ ދުވަހުގެ ނިޔަލަށެވެ. އެކްސްޕޯ އޮންނާނީ ހުޅުމާލެ ސެންޓްރަލް ޕާކުގަ އެވެ.
އެކްސްޕޯއަށް ޒިޔާރަތްކުރާ ނަސީބުވެރި އެއް ފަރާތަކަށް ގްރޭންޑް ޕްރައިޒެއްގެ ގޮތުގައި 25،000 ރުފިޔާ ލިބޭނެ އެވެ. އަދި މީގެ އިތުރުން ވެސް ގިނަ އިނާމުތަކެއް ލިބުމުގެ ފުރުސަތު އޮންނާނެ ކަމަށް އެމްއެމްއޭއިން ބުންޏެވެ.
އެގޮތުން؛
- އެކްސްޕޯ އޮންނަ ކޮންމެ ދުވަހަކު 5 އައިޕެޑް
- ކޮންމެ ދުވަހަކު 5000 ރުފިޔާގެ ހަނދާނީ ނޫޓުގެ 7 ނޫޓު
- 2 މެކްބުކް ނިއޯ
- 2 އެޕަލް އިއާޕޮޑް
- ހޯރަފުށީ އަރައިކު ބީޗް ވިލެޖްގައި 2 މީހަކަށް 3 ރޭގެ ފުލްބޯޑު ޕެކޭޖް
- 5000 ރުފިޔާގެ 3 ގިފްޓް ކާޑު
- 1000 ރުފިޔާގެ 12 ގިފްޓް ކާޑު
- 500 ރުފިޔާގެ 36 ގިފްޓް ކާޑު
އެމްއެމްއޭއިން ބުނީ ރާއްޖޭގައި ބާއްވާ މާލީ ދާއިރާގެ އެންމެ ބޮޑު އެކްސްޕޯއަށް ޒިޔާރަތްކޮށްގެން މާލީ ގިނަ މައުލޫމާތުތަކެއް ލިބުމާއެކު އަގުހުރި އިނާމްތައް ލިބުމުގެ ފުރުސަތު ތަނަވަސްވެފައިވާ ކަމަށެވެ. އެހެންކަމުން ވީހާވެސް ގިނަ ފަރާތްތަކުން މި އެކްސްޕޯއަށް ޒިޔާރަތް ކުރުމަށް އެމްއެމްއޭއިން ވަނީ އެދިފަ އެވެ.
ކޮމެންޓް
Republic of Maldives