އީސީގެ ރައީސްގެ މަގާމަށް ޝަކީލް އައްޔަނު ކުރަން މަޖިލީހަށް
އެ މައްސަލަ ދިރާސާ ކުރުމަށް މަޖިލީހުގެ މިނިވަން މުއައްސަސާތަކުގެ ކޮމިޓީއަށް، މަޖިލީހުގެ ރިޔާސަތުން ވަނީ ފޮނުއްވާފަ އެވެ.
އިލެކްޝަންސް ކޮމިޝަން (އީސީ)ގެ ރައީސްގެ މަގާމަށް، އެ ކޮމިޝަންގެ މެމްބަރު ކަމަށް މިދިޔަ ހަފްތާ އައްޔަނު ކުރި މުހައްމަދު ޝަކީލް އައްޔަނު ކުރަން ރައްޔިތުންގެ މަޖިލީހަށް ފޮނުވައިފި އެވެ.
ހައްޖު ކޯޕަރޭޝަންގެ ކުރީގެ އެމްޑީ އަދި ޕީއެންސީގެ ރެޖިސްޓްރާގެ މަގާމުގައި ހުންނެވި ޝަކީލް، އީސީގެ ރައީސްގެ މަގާމަށް އައްޔަނު ކުރެއްވުމަށް ރުހުން ހޯދަން ރައީސް ޑރ. މުހައްމަދު މުއިއްޒު މަޖިލީހަށް ފޮނުއްވި ސިޓީ މިއަދުގެ ޖަލްސާގައި ވަނީ އިއްވާފަ އެވެ.
އެ ސިޓީގައި ރައީސް ހުށަހަޅުއްވާފައި ވަނީ ޝަކީލްގެ ނަން އެކަންޏެވެ.
އެ މައްސަލަ ދިރާސާ ކުރުމަށް މަޖިލީހުގެ މިނިވަން މުއައްސަސާތަކުގެ ކޮމިޓީއަށް، މަޖިލީހުގެ ރިޔާސަތުން ވަނީ ފޮނުއްވާފަ އެވެ.
އީސީގެ މެމްބަރުކަމުގެ ގޮނޑިއެއް ހުސްވީ، އެ ކޮމިޝަންގެ ރައީސްގެ މަގާމުގައި ހުންނެވި މުހައްމަދު ޒާހިދު މިދިޔަ މަހު އިސްތިއުފާ ދެއްވުމާ ގުޅިގެންނެވެ.
ކޮމެންޓް
Republic of Maldives