ނިރުފެހި އަލިފާން: މަރުވި އިންޑިއާ މީހުންގެ ހަށިތައް އެ ގައުމަށް ގެންގޮސްފި
އިންޑިއާ ހައިކޮމިޝަނުން މިއަދު ބުނީ އެ ހާދިސާގައި މަރުވި އިންޑިއާގެ 8 މީހުންގެ ހަށިގަނޑު އެ ގައުމަށް މިހާރު ގެންގޮސްފައިވާ ކަމަށެވެ. އެ ކަމުގައި ދިވެހި ސަރުކާރުގެ ކަމާގުޅޭ އިދާރާތަކުން ދިން އެހީތެރިކަން ހައި ކޮމިޝަނުން ވަނީ ފާހަގަކޮށްފައެވެ.
މ. ނިރުފެހި ގޭގައި ހިނގި އަލިފާނުގެ ހާދިސާގައި މަރުވި އިންޑިއާ މީހުންގެ ހަށިތައް އެ ގައުމަށް ގެންގޮސްފި އެވެ.
ރާއްޖޭގެ ތާރީހުގައި ހިނގި އަލިފާނުގެ އެންމެ ބިރުވެރި / ހިތާމަވެރި ހާދިސާގައި އަނދައިގެން މަރުވެފައިވާ މީހުންގެ ހަށިގަނޑުތައް ފެނުނީ މ. ނިރުފެހީގޭގައި ރޯވި އަލިފާންގަނޑު ކޮންޓްރޯލް ކުރުމަށް ފަހު ސިފައިން އިމާރާތަށް ވަދެ ހޯދަނިކޮށެވެ. އެ މީހުންގެ ހަށިގަނޑުތައް އިމާރާތުގެ ތެރެއިން ފެނުނުއިރު ވަރަށް ބޮޑަށް ވަނީ އަނދާފައެވެ.
ބައެއް މީހުން ވަނީ ސިފަ ވަކި ނުކުރެވޭ ވަރަށް / ޖިންސު ނޭންގޭ މިންވަރަށް އަނދާފައެވެ.
މަރުވި މީހުންގެ ތެރޭގައި ހިމެނެނީ ހަތަރު އަންހެނުންނާއި ހަ ފިރިހެނުން ކަމަށެވެ. އޭގެ ތެރޭގައި ހިމެނެނީ އިންޑިއާގެ ތިން އަންހެނަކާއި ބަންގްލަދޭޝްގެ އަންހެނެކެވެ. އަދި އިންޑިއާއަށް ނިސްބަތްވާ ފަސް ފިރިހެނަކާއި ބަންގްލަދޭޝް ފިރިހެނެކެވެ. އެ މީހުންގެ ހަށިގަނޑުތައް ބެހެއްޓީ ގަލޮޅު މޯޗަރީގައެވެ.
އިންޑިއާ ހައިކޮމިޝަނުން މިއަދު ބުނީ އެ ހާދިސާގައި މަރުވި އިންޑިއާގެ 8 މީހުންގެ ހަށިގަނޑު އެ ގައުމަށް މިހާރު ގެންގޮސްފައިވާ ކަމަށެވެ. އެ ކަމުގައި ދިވެހި ސަރުކާރުގެ ކަމާގުޅޭ އިދާރާތަކުން ދިން އެހީތެރިކަން ހައި ކޮމިޝަނުން ވަނީ ފާހަގަކޮށްފައެވެ.
ކޮމެންޓް
Republic of Maldives