ޑީއެންއާރަށް ޑިރެކްޓަ ޖެނެރަލެއް ހޯދަނީ

ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީއެންއާރް) ހިންގަން ޑިރެކްޓަރު ޖެނެރަލަކު ހޯދަން ފަށައިފި އެވެ.

ޑީއެންއާރަށް ޑިރެކްޓަރު ޖެނެރަލަކު ހޯދަން އިއުލާނެއް ސިވިލް ސާވިސް ކޮމިޝަނުން ކޮށްފައިވާއިރު އެ އިދާރާ ހިންގަން ކުރިންސުރެ ދިގު ޒަމާންތަކެއް ވަންދެން ހުންނެވި ފަރީދާ ޔޫސުފު ރިޓަޔާ ކުރެއްވިތާ މިހާރު އަހަރެއްހާ ދުވަސް ވަނީ ވެފަ އެވެ.

ޑީއެންއާރަށް ހޯދާ ޑިރެކްޓަރު ޖެނެރަލްގެ މަގާމަށް ޝައުގުވެރިވާ ފަރާތްތަކުން މިމަހުގެ 24 ގައި ކުރިމަތިލާން ޖެހެ އެވެ. އެ މަގާމުގެ މުސާރައީ މަހަކު 13890 ރ. އާއި ސާވިސް އެލަވަންސްގެ ގޮތުގައި ދޭ 2000ރ. އާއި އަދި ސަޕޯޓިން ކޯ އެލަވަންސްގެ ގޮތުގައި އޮންނަ 1500ރ. އެވެ.

އެ މަގާމުގައި ހުންނަވާ ބޭފުޅަކީ ޒިންމާދާރު ވެރިޔާގެ ގޮތުގައި ޑީއެންއާރްގެ ހުރިހާ ކަމެއް އިސްވެ ހިންގައި ބެލެހެއްޓުމެވެ.

ފަރީދާ، ޑީއެންއާރުން ރިޓަޔާ ކުރެއްވި ފަހުން ޑީއެންއާރުގެ މަސައްކަތްތަކާ ބެހޭ ގޮތުން އާންމު މީހުންގެ ޝަކުވާތައް ވަރަށް ބޮޑަށް އޮވެ އެވެ.