ޓޫރިސްޓުންގެ ހަށިތައް ނަގަން ތައްޔާރުވާއިރު، ކަނޑުހޮހޮޅަ އޮތީ ނުރައްކާތެރިކޮށް

ފީނުމުގައި އުޅެނިކޮށް މަރުވެފައިވާ އިޓަލީގެ ފަސް ޓޫރިސްޓުންގެ ހަށިތައް ނަގަން ދުނިޔޭގެ އެންމެ ކުޅަދާނަ ތަޖުރިބާކާރުންނާއި ސިފައިން ތައްޔާރުވާއިރު، ކަނޑުހޮހޮޅަ އޮތީ ނުރައްކާތެރި ހާލެއްގައި ކަމަށް ބުނެފި އެވެ. 

ދުނިޔޭގެ ސަމާލުކަން އިންތިހާއަށް ލިބިގެން ގޮސްފައިވާ ދެކުނުކަނޑު ކަނޑުހޮހޮޅަ ހާދިސާގައި ހަރަކާތެރިވާ ޑޭންޔޫރަޕް އިން ބުނީ ހަށިތައް ނެގުމުގެ މަސައްކަތްތައް ކުރިއަށްދާނީ، މަސައްކަތް ކުރެވޭނެ ވަގުތުތައް މަދުވުމާއި އިންތިހާ އަށް ސަމާލުވުމުގެ ސިޔާސަތެއްގެ ދަށުންނެވެ. އަދި އެކި މަރުހަލާތަކަކަށް ބަހާލައިގެންނެވެ. އެ ސަރަހައްދުގެ މާހައުލު އަދިވެސް އޮތީ ވަރަށް ނުރައްކާތެރި އަދި ކޮމްޕްލެކްސް ހާލަތެއްގައިކަމަށް ބުނެފައިވެ އެވެ.  

ޑޭން ޔޫރަޕުން ބުނީ މި ޓީމުން މަސައްކަތް ކުރަމުންދަނީ ދިވެހި ސިފައިންގެ ޑައިވަރުންނާއި އެ ސަރަހައްދުގެ މާހައުލު ވަރަށް ރަނގަޅަށް ދަންނަ، އަދި މި މިޝަން ކާމިޔާބުކުރުމުގައި އެމީހުންގެ އެހީތެރިކަން އިންތިހާއަށް މުހިންމުވާ ދިވެހި ޑައިވަރުންނާއެކުގަ އެވެ. 

ޓޫރިސްޓުންގެ ހަށިތައް ނަގަން ތައްޔާރުވާއިރު، ހޮހަޅައަށް ވަންނަން އޮންނަ ދިމާ ހުރީ 55 އާއި 60 މީޓަރާ ދެމެދުގެ ފުންމިނެއްގައެވެ. އަދި ހޮހަޅައިގެ އެތެރޭގެ މަގުތައް ހުރީ ވަރަށް ހަނިކޮށެވެ. މީެ އިތުރުން މިކަމުގައި ކުރިމަތިވާ އަނެއް ގޮންޖެހުމަކީ މޫސުން ގޯސްވުމުން ކިލަނބުވުމެވެ. ފެންނަ ފެނުން މުޅިން ބަންދުވެ ޑައިވިންގް ވަގުތުން ހުއްޓާލަން ޖެހިދާނެ ފަދަ ބޮޑު ނުރައްކަލެއް މި ސަރަހައްދުގައި އޮތް ކަމަށް މިކަމުގައި ހަރަކާތްތެރިވާ ފަރާތްތަކުން ބުނެފައިވެ އެވެ. 

އެހެންކަމުން މިކަމުގައި ހަރަކާތްތެރިވާ ފަރާތްތަކުން ވަނީ މިކަމަށް ހާއްސަކޮށް ދުނިޔޭގައި ހުރި އެންމެ ޒަމާނީ ވަސީލަތް ގެނެސްފ އެވެ. 

ހަށިގަނޑުތައް ނެގުމުގެ ޑައިވްގައި ކޮންމެ ޑައިވްއަކަށް ގާތްގަނޑަކަށް ތިން ގަޑިއިރު ހޭދަވާނެ ކަމަށް ލަފާކުރެވުނު ނަމަވެސް، ހަގީގީ ވަގުތު ބިނާވެގެންވަނީ ހޮހަޅައިގެ ތެރެއިން ކުރިމަތިވާ ހާލަތްތަކަށާއި، ކޮންމެ މަރުހަލާއެއްގައި ވެސް ސަލާމަތްކުރާ މީހުންގެ ރައްކާތެރިކަމުގެ މައްޗަށެވެ. މި އޮޕަރޭޝަން އެތައް ދުވަހަކަށް ދެމިގެންދާނެ ކަމަށް މިހާރު ވަނީ ބެލިފަ އެވެ. 

މިދިޔަ ހަފުތާގެ ބުރާސްފަތި ދުވަހު އިޓަލީގެ ޓޫރިސްޓުންތަކެއް ވ. އަތޮޅު ދެކުނު ކަނޑުގައި އޮންނަ ޑައިވްޕޮއިންޓަކަށް ފީނަށް ފައިބާ އުޅެނިކޮށް ހިނގި ހާދިސާގައި ފަސް މީހުން ގެއްލިފައިވެ އެވެ. މީގެތެއިން އެކަކު ވަނީ އެ ދުވަހު ސިފައިން ހޯދާފަ އެވެ. ނަމަވެސް ބާކީ ތިބި ހަތަރު ޑައިވަރުން އިއްޔެއާ ހަމައަށް ނުފެނެ އެވެ. އަދި މި ޑައިވަރުން ހޯދަން މަސައްކަތް ކުރި ސިފައިންގެ މިހަކު ވެސް ވަނީ މި ހާދިސާގައި ނިޔާވެފަ އެވެ. އަދި ބޭރުގެ ކޭވްޑައިވަރުންގެ އެކްސްޕާޓުން ވަނީ އިކްއިޕްމަންޓްތަކާއެކު މި އޮޕަރޭޝަންގައި ބައިވެރިވާން ރާއްޖެ ގެނެސްފަ އެވެ. އަދި ގެއްލުނު ޓޫރިސްޓުންގެ ހަށިތައް ލޮކޭޓް ކުރެވުނީ އިއްޔެގެ ވަގުތެއްގަ އެވެ.