ނޫސްވެރިން ދޫކޮށްލަން ގޮވާލައި އެމްޑީޕީން މަގުމައްޗަށް ނުކުމެއްޖެ
ކުރީގެ ރައީސް މުހައްމަދު ނަޝީދު އިސްކޮށް ހުންނަވައި މިރޭ އެމްޑީޕީން މަގުތަކަށް ނުކުމެ ގޮވާލަމުން ދަނީ 'އަދަދު' ނޫހުގެ ދެ ނޫސްވެރިން ކަމަށްވާ ލީވާން އަލީ ނަސީރާއި މުހައްމަދު ޝަހުޒާން މިނިވަން ކުރުމަށެވެ.
ރާއްޖޭގައި ނޫސްވެރިކަމުގެ މިނިވަންކަން ނެތް ކަމަށާއި، ނޫސްވެރިންނަށް ބިރުދައްކަމުންދާ ކަމަށް ބުނެ އިދިކޮޅު އެމްޑީޕީން މުޒާހަރާ ކުރަން ފަށައިފި އެވެ.
ކުރީގެ ރައީސް މުހައްމަދު ނަޝީދު އިސްކޮށް ހުންނަވައި މިރޭ އެމްޑީޕީން މަގުތަކަށް ނުކުމެ ގޮވާލަމުން ދަނީ 'އަދަދު' ނޫހުގެ ދެ ނޫސްވެރިން ކަމަށްވާ ލީވާން އަލީ ނަސީރާއި މުހައްމަދު ޝަހުޒާން މިނިވަން ކުރުމަށެވެ.
އެ ދެ ނޫސްވެރިން ޖަލަށްލާން އިއްޔެ ކްރިމިނަލް ކޯޓުން ހުކުމްކޮށްފައި ވަނީ އަދަދު ނޫހުން ނެރުނު ޑޮކިއުމެންޓްރީ ދައުރު ނުކުރުމަށާއި އޭގައި ގެނެސްދީފައިވާ އެއްވެސް ވާހަކައެއް ސީދާ ގޮތުންނާއި ނުސީދާ ގޮތުންވިޔަސް ނުދެއްކުމަށް ކްރިމިނަލް ކޯޓުން ނެރެފައިވާ އަމުރާ ހިލާފުވެފައިވާ ކަމަށް ބުނެ އެވެ.
އެމްޑީޕީގެ މުޒާހަރާ ފަށާފައި ވަނީ ޗާންދަނީ މަގުގައި ހުންނަ އެޕާޓީގެ މައި ހަރުގެއިންނެވެ. މުޒާހަރާ ފައްޓަވަމުން ނަޝީދު ވިދާޅުވެފައި ވަނީ ޖަލަށްލާފައިވާ ނޫސްވެރިން މިނިވަން ކުރަންދެން މުޒާހަރާ ކުރުން ހުއްޓައި ނުލާނެ ކަމަށެވެ.
މި މުޒާހަރާގައި، ނޫސްވެރިކަމުގެ މިނިވަންކަމަށް ހުރަސް ނޭޅުމަށާއި ހިޔާލުފާޅުކުރުމުގެ މިނިވަންކަމަށް ފުރުސަތު ދިނުމަށް އެމްޑީޕީން ދަނީ ގޮވައިލަމުންނެވެ.
މި މުޒާހަރާގެ އިސް ސަފުގައި ރައީސް ނަޝީދަށް ތާއީދު ކުރާ ގިނަ މެންބަރުން ދަނީ ހަރަކާތްތެރިވަމުންނެވެ. އޭގެ ތެރޭގައި ކުރީގެ މަޖިލީސް މެންބަރުންވެސް ހިމެނެ އެވެ.
ކޮމެންޓް
Republic of Maldives